الماتى قالاسى قوعامدىق دەنساۋلىق باسقارماسى قالاداعى تارتىپسىزدىك كەزىندە جارالانعان 190 ادام ەمدەۋ مەكەمەلەرىنە جۇگىنگەنىن حابارلادى. ونىڭ 150ء-ى جەدەل جاردەم بويىنشا جەتكىزىلسە، 40-ى ءوز ءوتىنىشى بويىنشا بارعان.

"40 ادام اۋرۋحاناعا جاتقىزىلدى، ونىڭ ىشىندە 7 زارداپ شەگۋشى جانساقتاۋ بولىمىندە، ونىڭ ىشىندە 4 پوليسيا قىزمەتكەرى بار. زارداپ شەككەندەر ارسىندا 137 پوليسيا قىزمەتكەرى جانە 53 تۇرعىن بار" دەلىنگەن حابارلامادا.

الماتىدا ەل تاريحىنداعى اسا ءىرى حالىق نارازىلىعى بولىپ جاتىر. نارازىلىق جاڭاوزەندە سۇيىتىلعان گاز قۇنىنىڭ قىمباتتاۋىنا قارسى وتكەن ميتينگتەرگە قولداۋ رەتىندە باستالعان. الايدا حالىق تالابىنان كەيىن اۆتوكولىك گازى بۇرىنداعىداي 50 تەڭگەدەن ساتىلاتىن بولىپ شەشىلگەنىنە قاراماستان حالىق الاڭداردان تارقامادى.

ولار ساياسي تالاپتار قويىپ، ۇكىمەت پەن ن.نازاربايەۆ وتستاۆكاسىن تالاپ ەتتى. 

حالىق نارازىلىعى الماتىدا كەي جەردە جاپپاي تارتىپسىزدىككە ۇلاسىپ، ەرەۋىلشىلەر بىرنەشە پوليسيا كولىگىن ورتەپ، اۋدارىپ تاستادى.