جاڭاوزەن قالاسىندا بولىپ جاتقان حالىق نارازىلىعىندا الاڭعا جينالعاندار بيلىككە 5 ساياسي تالاپ قويعان. بۇل تۋرالى Orda.kz باسىلىمىنىڭ ءجۋرناليسى كۇلتەگىن اسپان ۇلى ءمالىم ەتتى. جاڭاوزەندىكتەر تالابى تومەندەگىدەي:

1. جۇيە اۋىسسىن؛
2. ءار وبلىس پەن قالا اكىمىن حالىق سايلاسىن؛
2. 1993 جىلعى كونستيتۋسيا قايتارىلسىن، وزگەرسىن؛
4. ازاماتتىق بەلسەندىلەر قۋدالانباسىن؛
5. بيلىككە ريەۆوليۋسيامەن اۋىسقان دەپ تانىلاتىن جۇيەدەن تىس ادام كەلسىن؛

"جاڭاوزەندە اقساقالدار القاسى قۇرىلاتىنىن مالىمدەدى. ساعات 14.00-دە الاڭدا شامامەن 12 مىڭنان اسا ادام تۇر. كوپشىلىك ءموبيلدى جانە سىمدى ينتەرنەتتى قالپىنا كەلتىرۋدى سۇرادى.

30 جىل ىشكە جۇتقان كۇيىكتى نارازىلىقتىڭ رەسپۋبليكا كولەمىندە سيپات الۋىنا تۇرتكى بولعان جاڭاوزەندەگى جۇرت مادەنيەتتى تۇر. شام اينەگىن شاقپايىق، تالابىمىزدى ساۋاتتى جەتكىزەيىك دەگەن ۇلكەندەر مەن جۇرتتىڭ تاجىريبەسى بارى بايقالادى. وزگە 16 ايماقتاعى جاعداي ازاماتتىق جاۋاپكەرشىلىكتەن شىعىپ بارا جاتقان ءتارىزدى. بۇزاقىلىق مەن بەلسەندىلىكتىڭ پارقىن ءبىلىپ، ادەكۆات بولساق ەكەن" دەيدى جۋرناليست.