ۇلتتىق قاۋىپسىزدىك كوميتەتىنىڭ باسپا ءسوز قىزمەتى ۇقك-نىڭ بۇرىنعى ءتوراعاسى كارىم ءماسىموۆتىڭ ورىنباسارى ۇستالعانىن ءمالىم ەتتى.
"قازاقستان رەسپۋبليكاسى ۇلتتىق قاۋىپسىزدىك كوميتەتى ۇقك-نىڭ بۇرىنعى ءتوراعاسى ك.ق.ماسىموۆكە قاتىستى مەملەكەتكە وپاسىزدىق جاساۋ فاكتىسى بويىنشا سوتقا دەيىنگى تەرگەۋدى جالعاستىرۋدا. وسى ءىستىڭ شەڭبەرىندە بيلىكتى كۇشپەن باسىپ الۋعا جانە لاۋازىمدىق وكىلەتتىكتەرىن اسىرا پايدالانۋعا باعىتتالعان ىس-ارەكەتتەر فاكتىلەرى بويىنشا قوسىمشا سوتقا دەيىنگى تەرگەپ-تەكسەرۋلەر باستالدى. اتالعان قىلمىستاردى جاسادى دەگەن كۇدىكپەن ك.ماسىموۆتەن باسقا ۇقك ءتوراعاسىنىڭ بۇرىنعى ورىنباسارى – "ا" ارنايى ماقساتتاعى قىزمەتىنىڭ باستىعى ا.سادىقۇلوۆ پەن ۇقك ءتوراعاسىنىڭ بۇرىنعى ورىنباسارى د. ەرعوجين ۇستالدى" دەلىنگەن اقپاراتتىق حابارلامادا.
6 قاڭتاردا ۇقك-نىڭ بۇرىنعى ءتوراعاسى كارىم ءماسىموۆ پەن باسقا دا تۇلعالار ۇستالىپ، ۋاقىتشا ۇستاۋ يزولياتورىنا قامالعان. ماسىموۆكە قاتىستى قىلمىستىق كودەكستىڭ 175-بابى 1-بولىگى (مەملەكەتكە وپاسىزدىق جاساۋ) بويىنشا سوتقا دەيىنگى تەرگەۋ باستالعان.
نۇر-سۇلتان قالاسىنىڭ تەرگەۋ سوتى ءماسىموۆتى 2 ايعا قاماۋعا العان.
پىكىر قالدىرۋ