الماتى قالاسىنىڭ باس سانيتار دارىگەرى قارلىعاش ءابدىجابباروۆا ەپيدەميولوگيالىق جاعدايدىڭ كۇردەلەنۋىنە جانە "وميكرون" شتامىنىڭ تارالۋىنا بايلانىستى كارانتين شارالارىن كۇشەيتتى.
"Ashyq" جوباسىنا قاتىساتىن وبەكتىلەردە 30 ادامعا دەيىن ەسكە الۋ شارالارىن قوسپاعاندا، اشىق اۋادا دا، ءۇي ىشىندە دە بۇقارالىق ءىس-شارالاردى، سونىڭ ىشىندە وتباسىلىق ءىس-شارالاردى وتكىزۋگە تىيىم سالىنادى.
15 قاڭتاردان باستاپ "جاسىل" مارتەبەسى بارلار سپورت ورتالىقتارىنا، مونشالارعا، ساۋنالارعا كىرە الادى.
قاۋلىعا ساسكەس:
- كونسەرتتىك زالداردىڭ، تەاترلاردىڭ، سيركتەردىڭ، فيلارمونيالاردىڭ قىزمەتى توقتاتىلادى؛
- ۇجىمدىق ءىس-شارالار، كونفەرەنسيالار، سەمينارلار، كورمەلەر، فورۋمدار وتكىزۋگە تىيىم سالىنادى؛
- ءدىني وبەكتىلەردە ءىس-شارالار وتكىزىلمەيدى؛
- تۇنگى كلۋبتاردىڭ جۇمىسى توقتاتىلادى؛
- قوعامدىق تاماقتانۋ ورىندارىندا ءبىر ۇستەلگە 4 ادامنان وتىرعىزىلۋى ءتيىس.
باس سانيتار دارىگەر مىندەتتى تۇردە بەتپەردە كيۋ جانە الەۋمەتتىك قاشىقتىقتى ساقتاۋدى ەسكەرتتى.
قاۋلىنىڭ تولىق ءماتىنىن مىنا سىلتەمەدەن وقي الاسىز.
ايتا كەتەيىك، بۇگىن الماتى قالاسىن كوروناۆيرۋستىڭ تارالۋى جاعىنان "قىزىل" ايماقتا تۇر.
پىكىر قالدىرۋ