جاڭاوزەن تۇرعىندارىنا قولداۋ ءبىلدىرۋ ماقساتىندا ورال قالاسىندا وتكەن بەيبىت ميتينگكە شىققانى ءۇشىن قاماۋعا الىنعان بەلگىلى قۇقىققورعاۋشى ابزال قۇسپان بوستاندىققا شىقتى. بۇل تۋرالى ول ءوزىنىڭ facebook پاراقشاسىندا ءمالىم ەتتى.
"قۇرمەتتى ارىپتەستەرىم، مەنىڭ جانە مەنى قولداعان باسقا دا جاناشىر اعايىن! 6 قاڭتاردان باستاپ ينتەرنەتكە قولىم ەندى جەتىپ جاتىر، سىزدەردىڭ جازعاندارىڭدى ەندى وقىپ باستادىم، بارىڭىزگە دە باسىمدى ءيىپ تۇرىپ العىس بىلدىرەمىن" دەلىنگەن ادۆوكاتتىڭ جەلىدەگى جازباسىندا.
ابزال قۇسپان ميتينگكە جاڭاوزەندىكتەردى قولداۋ ءۇشىن جانە بەيبىت جيىندا ارانداتۋشىلىققا جول بەرمەس ءۇشىن شىققانىن ايتقان.
بۇگىندە رەسپۋبليكانىڭ كوپتەگەن قالالارىندا وتكەن حالىق نارازىلىعىنا قاتىسقانى ءۇشىن، بەيبىت جيىنداردان حابار تاراتقانى ءۇشىن ءبىرقاتار قوعام بەلسەندىلەرى، جۋرناليستەر قاماۋدا جاتىر. ەشتەڭە تۇسىندىرمەستەن پوليسيا قستاپ الىپ كەتكەن، ءىز-تۇسسىز جوعالعاندار سانى ودان دا كوپ.
پىكىر قالدىرۋ