پرەزيدەنت قاسىم-جومارت توقايەۆ جاپپاي تارتىپسىزدىك كەزىندە ەكى مىڭعا جۋىق ادام ۇستالعانىن مالىمدەدى. بۇل تۋرالى ول Twitter پاراقشاسىندا جازدى.
توقايەۆ باس پروكۋراتۋراعا كۇدىكتىلەردىڭ كىناسى قانداي دارەجەدە ەكەنىن انىقتاۋدى تاپسىردى.
2 قاڭتاردا ماڭعىستاۋ وبلىسىنىڭ تۇرعىندارى سۇيىتىلعان گازدىڭ قىمباتتاۋىنا بايلانىستى ميتينگكە شىعىپ، ۇزاماي ەلدىڭ وزگە وڭىرلەرىندە دە حالىق نارازىلىعى وتكەن. بەيبىت ميتينگ تۇرىندە باستالعان نارازىلىق شارالارىنىڭ سوڭى جاپپاي تارتىپسىزدىككە ۇلاسقان. سونىڭ سالدارىنان الماتى، تالدىقورعان قالالارى قاتتى زارداپ شەكتى. تارتىپسىزدىكتەر كەزىندە اكىمدىك عيماراتى ورتەندى، پرەزيدەنت رەزيدەنسياسى باسىپ الىندى. دۇكەندەر، ساۋدا ورتالىقتارى، بانك كەڭسەلەرى مەن بانكوماتتار تونالدى.
نارازىلىق كەزىندە زارداپ شەككەندەر، ادام شىعىنى بولعان وقيعالاردىڭ جالپى سانى جاريالانبادى.
