الماتى پوليسيا دەپارتامەنتىنىڭ باسشىسى قانات تايمەردەنوۆ شتاب وتىرىسىندا جاپپاي تارتىپسىزدىكتەر كەزىندە قازا بولعاندار مەن جالپى شىعىن تۋرالى الدىن الا مالىمەتتى جاريالادى.

– الماتىداعى تارتىپسىزدىكتەر كەزىندە 9 پوليسەي قازا تاپتى، بەس قىزمەتكەر اۋرۋحانادا جاتىر، ەكەۋىنىڭ جاعدايى اۋىر. بارلىعى 1 097 پوليسيا قىزمەتكەرى ءتۇرلى دەنە جاراقاتىن العان، – دەدى ق. تايمەردەنوۆ.

سونىمەن قاتار، 5 فرونت-وفيس، 19 مودۋلدىك بولىمشە جانە 13 ەكوپوست ورتەنگەن. المالى پوليسيا ءبولىمى دە قيراعان. قالادا تەك ەكى ەكوپوست عانا بۇلىنبەگەن.

– 165 كولىك زاقىمدانعان، ونىڭ 64ء-ىن قالپىنا كەلتىرۋ مۇمكىن ەمەس. 7 قارۋ-جاراق قويماسىنان 1 347 قارۋ ۇرلانعان. بۇگىندە 127ء-سى تاركىلەندى، ونىڭ 58ء-ى اڭشىلىق دۇكەندەردەن ۇرلانعانى انىقتالدى، – دەپ اتاپ ءوتتى دەپارتامەنت باسشىسى. 

كەشە قانات تايمەردەنوۆ الماتىدا 149 ادام قازا تاپقانىن حابارلاعان بولاتىن.

باس پروكۋراتۋرا قىلمىستىق قۋدالاۋ قىزمەتىنىڭ باستىعى سەرىك شالابايەۆ ەلدە تارتىپسىزدىكتەر كەزىندە جالپى 4578 ادام زارداپ شەككەنىن مالىمدەدى. ونىڭ ىشىندە 4353ء-ى جارالانعان، 3393ء-ى قۇقىق قورعاۋ ورگاندارىنىڭ قىزمەتكەرلەرى ەكەنى انىقتالعان. جالپى 225 ادام قايتىس بولعان.

ەسكە سالا كەتەيىك، 2 قاڭتاردا ماڭعىستاۋ  وبلىسىنىڭ تۇرعىندارى سۇيىتىلعان گازدىڭ قىمباتتاۋىنا بايلانىستى ميتينگكە شىعىپ، ۇزاماي ەلدىڭ وزگە وڭىرلەرىندە دە حالىق نارازىلىعى وتكەن. بەيبىت ميتينگ تۇرىندە باستالعان نارازىلىق شارالارىنىڭ سوڭى جاپپاي تارتىپسىزدىككە ۇلاسقان. سونىڭ سالدارىنان الماتى، تالدىقورعان قالالارى قاتتى زارداپ شەكتى. تارتىپسىزدىكتەر كەزىندە اكىمدىك عيماراتى ورتەندى، پرەزيدەنت رەزيدەنسياسى باسىپ الىندى. دۇكەندەر، ساۋدا ورتالىقتارى، بانك كەڭسەلەرى مەن بانكوماتتار تونالدى.