"قازترانسويل" اق باس ديرەكتورىنىڭ مىندەتىن ۋاقىتشا اتقارۋشى، باسقارما ءتوراعاسى بولىپ ءسابيت ارىنوۆ تاعايىندالدى. اقپارات قازاقستان قور بيرجاسىنىڭ سايتىندا حابارلاندى.
ءسابيت ارىنوۆ "قازترانسويل" باسشىسىنىڭ ورىنباسارى لاۋازىمىنا 2018 جىلدىڭ اقپان ايىندا تاعايىندالعان.
بۇعان دەيىن "قازترانسويل" اق باسقارما ءتوراعاسى ديماش دوسانوۆ قىزمەتىنەن كەتكەن. ول نۇرسۇلتان نازاربايەۆتىڭ كىشى قىزى ءاليا نازاربايەۆانىڭ كۇيەۋى. دوسانوۆپەن قاتار داريعا نازاربايەۆانىڭ كۇيەۋى قايرات شارىپبايەۆ تا قىزمەتتەرىنەن بوساتىلعان.
سونداي-اق بۇگىن پرەزيدەنت قاسىم-جومارت توقايەۆ نازاربايەۆتىڭ تۋىسى سامات ءابىشتى ۇقك ءتوراعاسىنىڭ ءبىرىنشى ورىنباسارى قىزمەتىنەن بوساتتى.
سونىمەن قاتار تيمۋر قۇلىبايەۆ "اتامەكەن" ۇلتتىق كاسىپكەرلەر پالاتاسى ءتوراعاسى قىزمەتىنەن كەتتى. ول نۇرسۇلتان نازاربايەۆتىڭ ورتانشى قىزى دينارا نازاربايەۆانىڭ كۇيەۋى.
پىكىر قالدىرۋ