پرەزيدەنت قاسىم-جومارت توقايەۆ قورعانىس مينيسترلىگىنىڭ باسشىلىق قۇرامىمەن كەڭەس وتكىزىپ، بۇرىنعى قورعانىس ءمينيسترى مۇرات بەكتانوۆتىڭ قىزمەتىنەن كەتۋ سەبەبىن ءتۇسىندىردى.
– ارميا تاۋەلسىزدىگىمىزدىڭ تىرەگى بولىپ، مەملەكەت مۇددەلەرىن قورعاۋى ءتيىس. قاڭتار وقيعاسى كەزىندە قارۋلى كۇشتەر وزىنە سەنىمسىز ءارى قابىلەتسىز باسشىلىعىنىڭ كەسىرىنەن جۇكتەلگەن مىندەتتەردى ءتيىستى دەڭگەيدە اتقارا المادى. مينيستر بەكتانوۆ كومانديرلىك قابىلەتىن كورسەتە المادى. كوماندالىق-شتابتىق جانە اسكەري جاتتىعۋلار كەزىندە وڭ ناتيجە كورسەتكەن ارميامىز بولا تۇرا، سىن ساعاتتا ونىڭ الەۋەتىن پايدالانا المادىق. سىرتتان كومەك شاقىرۋعا ءماجبۇر بولدىق، – دەدى توقايەۆ.
پرەزيدەنت جاڭا مينيستر كادرلىق اسكەري قىزمەتكەر ەكەنىن، ارنايى ءبىلىمدى الماتى جوعارى جالپىاسكەري كوماندالىق ۋچيليششەسىندە وقىعانىن، كەيىن م.ۆ. فرۋنزە اتىنداعى اكادەميادا جانە رەسەي فەدەراسياسى قارۋلى كۇشتەرى باس شتابىنىڭ اسكەري اكادەمياسىندا ءبىلىمىن جالعاستىرعانىن اتاپ ءوتتى.
