بەلسەندى، دەموكراتيالىق پارتيا قۇرۋ بويىنشا ىنتالى توپ جەتەكشىسى جانبولات ماماي پوليسيا ءوزىن "جاپپاي تارتىپسىزدىكتەر ۇيىمداستىردى" دەگەن ايىپ بويىنشا تەرگەۋگە الاتىنىن ءمالىم ەتتى.
"الماتى پوليسياسىنان تەرگەۋدەن شىقتىم. 272-باپ بويىنشا (جاپپاي تارتىپسىزدىكتەر ۇيىمداستىرۋ) تەكسەرۋگە الماق. بۇگىن قورعاۋشىمنىڭ دەنساۋلىعىنا بايلانىستى تەرگەۋ كەيىنگە قالدىرىلدى. "ءسىزدىڭ جاپپاي تارتىپسىزدىكتەردى ۇيىمداستىرعاندارمەن بايلانىسىڭىز بار- جوعىن تەكسەرەمىز" دەگەندى ايتتى. بۇل ءىستىڭ ساياسي استارى بولاتىنى انىق. كورەمىز بيلىكتىڭ قانداي قادامعا باراتىنىن" دەلىنگەن بەلسەندىنىڭ الەۋمەتتىك جەلىدەگى جازباسىندا.
بۇعان دەيىن جانبولات ماماي قىلمىستىق كودەكستىڭ 274-بابى (كورىنەۋ جالعان اقپارات تاراتۋ) بويىنشا جاۋاپ الۋعا شاقىرىلعانى حابارلانعان.
