قازاقستاننىڭ تۇڭعىش پرەزيدەنتى نۇرسۇلتان نازاربايەۆ پارلامەنت پەن ونىڭ پالاتالارىنىڭ الدىندا، ۇكىمەت وتىرىستارىندا ەل ءۇشىن ماڭىزدى ماسەلەلەردى تالقىلاۋ كەزىندە ءسوز سويلەي الادى.
بۇل وزگەرىستەر "قازاقستاننىڭ تۇڭعىش پرەزيدەنتى – ەلباسى" تۋرالى كونستيتۋسيالىق زاڭعا ەنگىزىلدى.
"قازاقستان رەسپۋبليكاسىنىڭ تۇڭعىش پرەزيدەنتى – ەلباسى تۋرالى" 2000 جىلعى 20 شىلدەدەگى كونستيتۋسيالىق زاڭعا وزگەرتۋلەر مەن تولىقتىرۋلار ەنگىزۋ جوباسىنا سايكەس، نۇرسۇلتان نازاربايەۆقا قازاقستان پارلامەنتى مەن ونىڭ پالاتالارىنىڭ الدىندا، ۇكىمەت وتىرىستارىندا ەل ءۇشىن ماڭىزدى ماسەلەلەردى تالقىلاۋ كەزىندە ءسوز سويلەۋ قۇقىعى، سونداي-اق قازاقستان كونستيتۋسيالىق كەڭەسىنىڭ كەڭەسىنىڭ قۇرامىنا كىرۋ قۇقىعى تيەسىلى" دەلىنگەن زاڭ جوباسىندا.
ءماجىلىس دەپۋتاتتارى 19 قاڭتاردا نۇرسۇلتان نازاربايەۆتىڭ قحا مەن قاۋىپسىزدىك كەڭەسىندەگى ءومىر بويى ءتوراعالىعىن جويۋ تۋرالى تۇزەتۋلەردى قابىلداپ، سەناتقا ۇسىنعان بولاتىن. قحا مەن قاۋىپسىزدىك كەڭەسى ءتوراعالىعى قازاقستان پرەزيدەنتىنە بەرىلگەن.
پىكىر قالدىرۋ