پرەزيدەنت قاسىم-جومارت توقايەۆ "سامۇرىق-قازىنا" قورىنىڭ گاز سالاسىنداعى جۇمىسىن رەفورمالاۋ قاجەتتىگىن ايتتى. بۇل تۋرالى ول قازاقستاننىڭ ءىرى بيزنەسمەندەرىمەن كەزدەسۋىندە مالىمدەدى.
– جاڭا وندىرىستەردى ىنتالاندىرۋ ءۇشىن تابيعي گازبەن قامتاماسىز ەتۋدىڭ ماڭىزى ەرەكشە. "سامۇرىق-قازىنا" قورىنىڭ گاز بولىمشەلەرىن رەفورمالاۋ اياسىندا ىشكى نارىقتى گازبەن قامتاماسىز ەتۋگە باسىمدىق بەرىلۋى كەرەك، – دەدى توقايەۆ.
مەملەكەت باسشىسى تەك كاسىپكەرلەر عانا ەمەس، وبلىس اكىمدەرى دە ۇكىمەتكە، يندۋستريالدى جوبالاردى جۇزەگە اسىرۋ ءۇشىن گاز ءبولۋ تۋرالى ءوتىنىش بىلدىرگەنىن ايتادى.
– ءبىراق گاز جوق. گازدى وتاندىق ءوندىرىستى ىسكە قوسۋ ءۇشىن پايدالانۋدىڭ ورنىنا ەكسپورتقا شىعاراتىن جاعدايعا ەندى جول بەرىلمەيدى، – دەدى پرەزيدەنت.
پىكىر قالدىرۋ