دەنساۋلىق ساقتاۋ ءمينيسترى اجار عينيات وقۋشىلاردىڭ وقۋ فورماتىن ءتۇسىندىردى. بۇل تۋرالى ول ۇكىمەت وتىرىسىندا حابارلادى.
– بارلىق مەكتەپكە دەيىنگى ۇيىمدار، باستاۋىش سىنىپ جانە قۋاتى 600 وقۋشىعا دەيىنگى مەكتەپ شتاتتىق فورماتتا جۇمىس جاسايدى. 600-دەن استام وقۋشىسى بار ءبىلىم بەرۋ ۇيىمدارىندا تولتىرۋ 50 پايىزدان اسپاۋى كەرەك. باستاۋىش مەكتەپ وقۋشىلارى شتاتتىق رەجيمدە ءبىلىم الادى. بۇل رەتتە وقىتۋ فورماتىن تاڭداۋ كەزىندە مىندەتتى تۇردە ۆاكسينالاۋمەن قامتۋ دەڭگەيى ەسكەرىلەدى. جوعارى وقۋ ورىندارى مەن كوللەدجدەردە دە سارالانعان ءتاسىل ەنگىزىلگەن. لەكسيالار ونلاين، قالعان ساباقتار يكەمدى كەستە بويىنشا شتاتتىق رەجيمدە وتەدى، – دەدى ول.
مينيستر كارانتين شارالارى ورىندالماسا،ع وقۋ ونلاين فورماتقا اۋىستىرىلاتىنىن اتاپ ءوتتى.
– وبلىستاردىڭ، الماتى، نۇر-سۇلتان جانە شىمكەنت قالالارىنىڭ اكىمدىكتەرى وقۋشىلاردىڭ اراسىندا سىرقاتتانۋشىلىقتىڭ كۇرت وسۋىنە جول بەرمەۋ ءۇشىن ءبىلىم بەرۋ ۇيىمدارىندا سانيتاريالىق-ەپيدەميولوگيالىق تالاپتاردىڭ ساقتالۋىن قامتاماسىز ەتۋى قاجەت، – دەپ مالىمدەدى اجار عينيات.
پىكىر قالدىرۋ