حالىق سايلاعان دەپۋتاتتار حالىق مۇددەسى جولىندا قىزمەت ەتۋگە ءتيىس. وسىنى دەپۋتاتتار جادىنا مىقتاپ ءتۇيۋى كەرەك. ازىرگە ءبىزدىڭ دەپۋتتاتتار حالىق اراسىندا بەدەلگە يە ەمەس. بۇلاي دەپ پرەزيدەنت ق.توقايەۆ "Nur Otan" پارتياسىنىڭ كەزەكتەن تىس XXI سەزىندە ايتتى.
– پارتيا مۇشەلەرىنىڭ ايماقتارداعى وزەكتى الەۋمەتتىك-ەكونوميكالىق ماسەلەلەردى شەشۋگە اتسالىسۋىن كۇشەيتۋ قاجەت. ايماقتارداعى جۇمىستى كەيدە اكىمنەن باسقا ەشكىم كورسەتپەيدى. جۇرتشىلىق ايماقتارداعى پارتيانىڭ ءرولى تۋرالى بىلە بەرمەيدى. ويتكەنى دەپۋتاتتاردىڭ ءوزى بۇل ماسەلەدەن قاشقاقتايدى. سوندىقتان "Nur Otan" ءماسليحاتتارى دەپۋتاتتارىنىڭ ەل الدىنداعى رەيتينگىن ەنگىزۋ اسا ماڭىزدى. ازاماتتار حالىق قالاۋلىلارى حالىقتىڭ ءال-اۋقاتىن كوتەرۋ، ەلدەگى ءومىر ساپاسىن جاقسارتۋ جولىندا نە ىستەپ جاتقانىن كورىپ، ءتۇسىنۋى كەرەك، – دەدى ول.
توقايەۆ سونداي-اق الداعى رەفورمالاردى ساپالى تۇردە زاڭنامالىق تۇرعىدا قامتاماسىز ەتۋ ءۇشىن پارتيانىڭ ماجىلىستەگى فراكسياسىن جاڭعىرتۋ كەرەكتىگىنە نازار اۋداردى.
– فراكسيا مۇشەلەرى فورماليزمنەن الىس بولىپ، قاتىپ قالعان قالىپتان شىعۋى كەرەك. قوعام وكىلدەرىمەن كوبىرەك بايلانىس ورناتۋى قاجەت، – دەدى پرەزيدەنت.
پىكىر قالدىرۋ