ق.توقايەۆ پرەزيدەنت پەن قاندايدا ءبىر پارتيا نەمەسە قوزعالىس اراسىندا ديستانسيا بولۋى كەرەك دەپ سانايدى. بۇل تۋرالى ول "Nur Otan" پارتياسىنىڭ كەزەكتەن تىس XXI سەزىندە ءمالىم ەتتى.
– مەملەكەت باسشىسى رەتىندە اشىق جانە ءادىل ساياسي باسەكەنى كەپىل ەتۋ جولىندا قىزمەت ەتەمىن. مەنىڭ كونستيتۋسيالىق مىندەتىم – بيلىكتىڭ بارلىق تارماعىنىڭ ارەكەتىن كەلىسىمدىلىگى مەن مەملەكەتتىك ورگانداردىڭ حالىق الدىنداعى جاۋاپكەرشىلىگىن قامتاماسىز ەتۋ. بۇل جاعدايلار پرەزيدەنت پەن كەز كەلگەن پارتيا جانە قوزعالىس اراسىنداعى ديستانسيانى تالاپ ەتەدى. سوندىقتان بەلگىلى ءبىر ۋاقىتتان كەيىن، مۇمكىن جىل سوڭىنا قاراي ما، مەنىڭ Nur Otan-داعى ءتوراعالىعىمنىڭ ءمان-ماڭىزى ماسەلەسىنە قايتا ورالامىز، – دەدى پرەزيدەنت.
سونداي-اق ول قوعامدىق قۇندىلىقتار جۇيەسىنە، ساياسي جانە الەۋمەتتىك-ەكونوميكالىق سالالارعا تۇبەگەيلى وزگەرىس ەنگىزۋ قاجەتتىگىن ايتىپ، ن.نازاربايەۆتىڭ تاريحي ەڭبەگىن ۇمىتپاۋعا شاقىرعان.
پىكىر قالدىرۋ