پرەزيدەنت قاسىم-جومارت توقايەۆ قازاقستان مەملەكەتتىك حاتشىسىنىڭ وكىلەتتىگىنە وزگەرىستەر ەنگىزدى.
توقايەۆتىڭ 25 قاڭتارداعى №787 جارلىعىنا سايكەس، مەملەكەتتىك حاتشى تومەندەگى وكىلەتتىكتەردى جۇزەگە اسىرادى:
- ىشكى ساياسات سالاسىندا پرەزيدەنتكە ستراتەگيالىق ۇسىنىستار ازىرلەيدى؛
- ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ، ۇلتتىق قوعامدىق سەنىم كەڭەسىنىڭ جانە جاستار ساياساتى جونىندەگى كەڭەستىڭ قىزمەتىن ۇيلەستىرەدى؛
- پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ قىزمەتىن قاداعالايدى؛
- "تاۋەلسىزدىك ۇرپاقتارى" گرانتىن تاعايىنداۋ جونىندەگى جۇمىستى ۇيلەستىرەدى.
سونىمەن قاتار، مەملەكەتتىك حاتشى:
- مەملەكەت باسشىسىنىڭ تاپسىرماسى بويىنشا پارلامەنتپەن، ساياسي پارتيالارمەن، قوعامدىق بىرلەستىكتەرمەن قارىم-قاتىناستا جانە حالىقارالىق قاتىناستاردا ونىڭ اتىنان وكىلدىك ەتەدى؛
- مەملەكەت باسشىسى جانىنداعى كونسۋلتاتيۆتىك-كەڭەسشى ورگانداردىڭ، الەۋمەتتىك-گۋمانيتارلىق سالا ماسەلەلەرى جونىندەگى قىزمەتىن ۇيلەستىرەدى.
- قوعامدىق دامۋ سالاسىنداعى مەملەكەتتىك تالداۋ قۇرىلىمدارىنىڭ جۇمىسىن ۇيلەستىرەدى؛
- پرەزيدەنتتىڭ تاپسىرمالارىنا سايكەس وزگە دە وكىلەتتىكتەردى جۇزەگە اسىرادى.
ەرلان قارين 5 قاڭتاردا مەملەكەتتىك حاتشى قىزمەتىنە تاعايىندالعان بولاتىن. وعان دەيىن ول پرەزيدەنت كومەكشىسى، كەڭەسشىسى بولعان.
پىكىر قالدىرۋ