"Amnesty International" جاڭا بايانداماسىندا يزرايل پالەستينالىقتارعا تومەن ناسىلدىك توپ رەتىندە قاراعانىن، ياعني "پالەستينالىقتارعا قارسى اپارتەيد قىلمىسىن" جاساپ جاتقانىن مالىمدەدى.
سەيسەنبىدە جاريالانعان جەتەكشى قۇقىق قورعاۋ توبىنىڭ 280 بەتتىك ەسەبى يزرايل بيلىگىنىڭ پالەستينالىقتارعا قارسى قىسىم مەن ۇستەمدىك جۇيەسىن قالاي قولداناتىنى تۋرالى ەگجەي-تەگجەيلى باياندايدى.
ول جەردە پالەستينالىقتاردى زاڭسىز ءولتىرۋ، جەرى مەن مۇلكىن كەڭ كولەمدە باسىپ الۋ، كۇشتەپ كوشىرۋ، ءجۇرىس-تۇرىستارىن شەكتەۋ، اكىمشىلىك قاماۋعا الۋ جانە پالەستينالىقتاردى ازاماتتىقتان باس تارتۋعا ماجبۇرلەۋ سياقتى يزرايل تاراپىنىڭ زورلىق-زومبىلىقتارىنىڭ ءتىزىمى جاريالاندى.
بۇل – حالىقارالىق قۇقىق بويىنشا، اپارتەيدتىك جۇيەنىڭ بەلگىسى رەتىندە سيپاتتالادى.
"Amnesty International" مۇنى اپارتەيدتىڭ بەلگىلەرى بار ادامزاتقا قارسى قىلمىس ەكەنىن ايتىپ، ايىپتادى.
ءيزرايلدىڭ سىرتقى ىستەر ءمينيسترى جانە ۆيسە-پرەمەر-مينيسترى ياير لاپيد بۇل ەسەپتى "شىندىققا جاناسپايدى" دەپ قابىلدامادى.
ول سونداي-اق حالىقارالىق قۇقىق قورعاۋ ۇيىمىن انتيسەميتتىك بەلگىسى بار دەپ ايىپتادى.
پىكىر قالدىرۋ