جامبىل وبلىسى مويىنتى – سارىشاعان قوس جولدى ۋچاسكەسىنىڭ نوۆالى ستانساسىندا ۆاگوندار رەلستەن شىعىپ كەتۋى سالدارىنان بىرنەشە پويىز قوزعالىسى توقتادى. بۇل تۋرالى قازاقستان تەمىر جولى كومپانياسىنىڭ باسپا ءسوز قىزمەتى حابارلادى.

بۇگىن تۇسكى ۋاقىتتا وسى ۋچاسكەدەگى جۇك پويىزىنىڭ بيداي تيەلگەن 12  ۆاگونى جولدان شىعىپ كەتكەن بولاتىن. قتج مالىمەتىنشە، اپاتتى جاعدايعا رەسەيلىك ۆاگون ءبۇيىر راماسىنىڭ سىنۋى سەبەپ بولعان.

وقيعا سالدارىنان تومەندەگىدەي جولاۋشىلار پويىزدارىنىڭ قوزعالىسى ۋاقىتقا توقتاتىلعان.

1. "پاۆلودار-شىمكەنت" قاتىناسىنداعى №45/46 پويىزى؛

2. №51/52 "ورال-الماتى-2" قاتىناسىنداعى پويىزى؛

3. "الماتى-2-پەتروپاۆل" قاتىناسىنداعى №105/106 پويىزى؛

4. №712/711 "شىمكەنت-نۇر-سۇلتان نۇرلى جول" پويىزى؛

5. "الماتى-2-نۇر-سۇلتان نۇرلى جول" قاتىناسىنداعى №3/4 پويىزى؛

6. "الماتى-1-نۇر-سۇلتان نۇرلى جول" باعىتىنداعى №9/10 پويىزى.

"سونىمەن قاتار، پويىزداردىڭ كەشىگۋىنە بايلانىستى، نۇر-سۇلتان-سارىاعاش رەيسى بويىنشا قايتا وتىرعىزۋ بولمايتىن ۆاگوندار جولاۋشىلارىن تاسىمالداۋدى قامتاماسىز ەتۋ ءۇشىن "شىمكەنت-سارىاعاش" ۋچاسكەسىندە №501/502 "شىمكەنت-سارىاعاش" قاتىناسىمەن 1 رەيسكە قاتىناۋ ۇيىمداستىرىلدى" دەلىنگەن قتج تاراتقان اقپاراتتىق حابارلامادا.

ۆاگوندارداعى بيداي اۋعانستانعا جونەلتىلىپ بارا جاتقانى حابارلاندى.