"Nur Otan" پارتياسى ءتوراعاسىنىڭ ءبىرىنشى ورىنباسارى باۋىرجان بايبەك قىزمەتىنەن كەتتى. بۇل تۋرالى ول الەۋمەتتىك جەلىدەگى پاراقشاسىندا مالىمدەدى.
– "Nur Otan" الدىنا جاڭا كوزقاراستار مەن تاسىلدەردى تالاپ ەتەتىن مۇلدە جاڭا مىندەتتەر قويىلدى. سوندىقتان مەن پارتيا ءتوراعاسى قاسىم-جومارت كەمەل ۇلى توقايەۆقا اتقارىپ وتىرعان قىزمەتىمنەن بوساتۋ تۋرالى ءتيىستى ءوتىنىش بەردىم. بۇگىن مەنىڭ ءوتىنىشىم قاناعاتتاندىرىلدى، – دەدى ول.
ب. بايبەك مەملەكەتتىك جانە پارتيالىق قىزمەتتە 20 جىلدان استام ەڭبەك ەتكەن. ەكى رەت، جالپى العاندا 6 جىلعا جۋىق "Nur Otan" ءتوراعاسىنىڭ ءبىرىنشى ورىنباسارى، 3 جىلعا جۋىق – پرەزيدەنت اكىمشىلىگى باسشىسىنىڭ ورىنباسارى لاۋازىمدارىندا، 4 جىل الماتى قالاسىنىڭ اكىمى بولىپ جۇمىس ىستەگەن.
28 قاڭتاردا "Nur Otan" پارتياسىنىڭ كەزەكتەن تىس XXI سەزىندە "Nur Otan" پارتياسىنىڭ ءتوراعالىعى ەكس-پرەزيدەنت نۇرسۇلتان نازاربايەۆتان قاسىم-جومارت توقايەۆقا وتكەن.
پىكىر قالدىرۋ