قازاقستاندا ۋتيليزاسيالىق الىمدى قابىلداۋ جۇيەسى قايتا ىسكە قوسىلدى، دەپ جازدى primeminister.kz سايتى.
رەسمي سايتتىڭ حابارلاۋىنشا، "جاسىل دامۋ" اق ۋتيليزاسيالىق تولەمدەردى قابىلداۋ جۇيەسىن قايتا ىسكە قوسقان.
"ءقازىر وندىرۋشىلەر مەن يمپورتتاۋشىلاردان ۋتيليزاسيالىق الىم تولىق قابىلدانىپ جاتىر. 2022 جىلدىڭ 24 قاڭتارىنان باستاپ ۋتيليزاسيالىق تولەم قابىلداۋ "جاسىل دامۋ" اق-نىڭ ەكىنشى دەڭگەيلى بانكتەردەگى جاڭا دەرەكتەمەلەرىندە جۇرگىزىلەدى" دەلىنگەن اقپاراتتا.
"وكم وپەراتورى" ج ش س (وپەراتور روپ) فۋنكسيالارى "جاسىل دامۋ" اق-عا وتكەن ۋاقىتتان بەرى ۋتيليزاسيالىق الىم تولەنگەنى تۋرالى 865 سەرتيفيكات بەرىلگەن.
پرەزيدەنت قاسىم-جومارت توقايەۆ 11 قاڭتاردا ۋتيل الىمى مولشەرىن قايتا قاراپ، جەكەمەنشىك "وكم وپەراتورى" كومپانياسىنىڭ قىزمەتىن توقتاتۋدى تاپسىرعان.
ءقازىر "وكم وپەراتورى" كومپانياسىنا قاتىستى تەكسەرىس جۇرگىزىلىپ جاتىر.
