بەلگىلى زاڭگەر، قاڭتار وقيعاسىنان كەيىن قامالعانداردىڭ ءىسىن قاراۋ بويىنشا قۇرىلعان "امانات" قوعامدىق كوميسسياسىنىڭ مۇشەسى ابزال قۇسپان الەۋمەتتىك جەلىدەگى پاراقشاسىندا تاعى بىرنەشە ادام تەرگەۋ يزولياتورىنان شىعارىلعانىن حابارلادى.
– الماتى تەرگەۋ يزولياتورىنان كۇنى بۇگىن 50 ادامدى شىعارۋعا قول جەتكىزدىك. كەشەلى-بەرى تالدىقورعان قالاسىندا جۇمىس ىستەدىك، ونىڭ ناتيجەسى جانە ەل اۋزىنداعى #1 تەما: ازامات باتىربايەۆقا قاتىستى كەيىنىرەك جازاتىن بولامىن، – دەدى زاڭگەر.
اقتاۋ قالالىق ءماسليحاتىنىڭ دەپۋتاتى، ۇلتتىق كەڭەس مۇشەسى ۋايس ەرسايىن ۇلى الماتىداعى "سي-18" تەرگەۋ يزولياتورىنان شىققان ازاماتتاردىڭ ءتىزىمىن جاريالادى.
– تاعى 8 ادام بوساتىلدى. ولاردىڭ ىشىندە كەرىمبەك ع، ەرزات ءو، رىسبايەۆ س، تانكيش ە، جاقسىلىق ش، احمەتوۆ ا، قارسىبايەۆ ج، تاسجۇرەكوۆ ب. وسىمەن قازىرگە دەيىن بارلىعى 50 ادام ءبىزدىڭ "امانات" كوميسسياسىنىڭ ارالاسۋىمەن بوستاندىققا جىبەرىلدى. تاعى ءبىر ادام – تيمۋر كيم كەشكە دەيىن بوساتىلاتىن بولدى. تاعى 6 ادامنىڭ قۇجاتتارىن شىعارۋعا دايىنداپ جاتىر، – دەدى ۋايس ەرسايىن ۇلى.
پىكىر قالدىرۋ