ءبىلىم جانە عىلىم ءمينيسترى اسحات ايماعامبەتوۆ اپپارات جيىنىندا ەندى ۇلتتىق ءبىرىڭعاي تەستىلەۋ كەزىندە تاپسىرۋشىنى ەكى كامەرا باقىلايتىنىن ءمالىم ەتتى.
– بيىل قاۋىپسىزدىكتى، اشىقتىقتى، تەستىلەۋدى ءادىل وتكىزۋدى قامتاماسىز ەتۋ ءۇشىن جاڭا ەلەمەنتتەر ەنگىزىلەدى. جاڭاشىلدىقتىڭ ءبىرى رەتىندە قوسىمشا كامەرالار ورناتىلماق. ول تۇلعانى يدەنتيفيكاسيالاۋ ءۇشىن قاجەت. بۇل تەستىلەۋدى باستاعان دا، اياقتاعان دا، بەلگىلەنگەن ۋاقىت بويى كومپيۋتەر الدىندا تەك ءبىر ادام وتىرعانىنا سەنىمدى بولا ءتۇسۋىمىز ءۇشىن جاسالعالى جاتىر، – دەدى ول.
مينيستر سونداي-اق ءبىر اپتا ىشىندە سىناما تەستتەردىڭ باعاسىن ەكى ەسە تومەندەتۋدى تاپسىردى. ءقازىر ونىڭ قۇنى 2917 تەڭگەنى قۇرايدى.
پىكىر قالدىرۋ