دەنساۋلىق ساقتاۋ مينيسترلىگى 3 اقپان كۇنگى ەپيدەميولوگيالىق جاعداي تۋرالى اقپاراتتى جاريالادى.

مينيسترلىك مالىمەتىنشە، وتكەن تاۋلىكتە پتر تەست ارقىلى 6648 ادامنان كوروناۆيرۋس، 135 ادامنان پنيەۆمونيا انىقتالعان. 2 اقپاندا 25 ادام كوروناۆيرۋستان، 5 ادام پنيەۆمونيادان كوز جۇمعان.

4 اقپانداعى مالىمەت بويىنشا، 120 059 ادام كوروناۆيرۋس ينفەكسياسىنان ەمدەلۋدە، ولاردىڭ ىشىندە 10 095 پاسيەنت ستاسيوناردا، 109 964 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققاندار اراسىندا 450 ادامنىڭ جاعدايى اۋىر، 163 پاسيەنتتىڭ جاعدايى وتە اۋىر، 88 ناۋقاس ءوجج اپپاراتىندا جاتىر.

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، نۇر-سۇلتان، الماتى قالالارى، اتىراۋ، الماتى، اقتوبە اقمولا، شىعىس قازاقستان، باتىس قازاقستان، قاراعاندى،قوستاناي، پاۆلودار، سولتۇستىك قازاقستان وبلىستارى. "قىزىل" ايماقتا.

شىمكەنت قالاسى، جامبىل، ماڭعىستاۋ وبلىستارى "سارى" ايماقتا.

“جاسىل” ايماقتا قىزىلوردا، تۇركىستان وبلىستارى.

4 اقپانداعى مالىمەت بويىنشا 9 213 147 ادام ۆاكسينانىڭ I كومپونەنتىن، 8 785 187 ادام II كومپونەنتىن سالدىرعان.