قىتايدا ءومىر بويىنا باس بوستاندىعىنان ايىرىلعان اقجارقىن تۇرلىبايدىڭ جازاسى بيىل قايتا قارالۋى مۇمكىن. بۇل تۋرالى ونىڭ ادۆوكاتى سۇڭقار نۇرماعامبەتوۆ الەۋمەتتىك جەلىدەگى پاراقشاسىندا مالىمدەدى.
زاڭگەردىڭ ايتۋىنشا، ءقازىر اقجارقىن تۇرلىباي تۇراقتى تۇردە وتباسىمەن حابارلاسىپ، حات الماسىپ تۇرادى، كەرەك-جاراعىن ساتىپ الۋعا دا مۇمكىندىگى بار.
سونداي-اق ول اقجارقىننىڭ ەلگە قاشان ورالۋى مۇمكىن ەكەنىن ايتتى.
– سوتتالعان قازاقستان ازاماتتارىن ەلگە قايتارۋ ماسەلەسى ەكىجاقتى كەلىسىمنىڭ اياسىندا رەتتەلەدى. مۇنداي كەلىسىم بارلىق مەملەكەتتەردە جوق. ءومىر بويىنا باس بوستاندىعىنان ايىرۋ جازاسىن باس بوستاندىعىنان ايىرۋعا قايتا قاراۋ تۋرالى شەشىم تۇرلىبايدى ەلگە قايتارۋعا تىكەلەي سەپتىگىن تيگىزەدى. قازاقستاننىڭ باس پروكۋراتۋراسىنا سوتتالعان ازاماتتى قايتارۋ تۋرالى قولداۋحات جىبەرۋ كەرەك. ونى 2016 جىلدىڭ ساۋىرىندە جولداپ قويدىق. ماڭىزدى ماسەلە، بيىل جازا قايتا قارالۋى مۇمكىن. ەستەرىڭىزگە سالا كەتەيىن، 2019 جىلدىڭ قىركۇيەگىندە توقايەۆ قىتايدى ىزگىلىك تانىتىپ، اقجارقىندى ەلگە قايتارۋعا جاردەمدەسۋگە شاقىردى، – دەدى سۇڭقار نۇرماعامبەتوۆ.
سوتتا اقجارقىن شەتەلدىك دوسى الداپ كەتكەنىن ايتىپ، كىناسىن مويىنداماعان. 2016 جىلى سوت شەشىمى جويىلىپ، ءىس قايتا قاراۋعا جىبەرىلدى. اراعا 3 جىل سالىپ، 2019 جىلدىڭ 27 جەلتوقسانىندا گۋانچجوۋ سوتى ۇكىم شىعاردى. الايدا جازا وزگەرىسسىز قالدى.
2019 جىلى قىركۇيەكتە پرەزيدەنت قاسىم-جومارت توقايەۆ قىتايعا ساپارى كەزىندە ىزگىلىك تانىتىپ، اقجارقىندى وتانىنا قايتارۋعا جاردەمدەسۋگە شاقىردى.
پىكىر قالدىرۋ