باقىت سۇلتانوۆ "دامۋ" كاسىپكەرلىكتى دامىتۋ قورى اق ديرەكتورلار كەڭەسىنىڭ ءتوراعاسى بولىپ سايلاندى. بۇل تۋرالى قوردىڭ باسپا ءسوز قىزمەتى حابارلادى.

بۇعان دەيىن اتالعان قىزمەتتى پرەمەر-مينيستر ءاليحان سمايىلوۆ اتقارعان.

"دامۋ" قورى – مەملەكەتتىك باعدارلامالار بويىنشا بيزنەسكە قولداۋ كورسەتەتىن قارجى اگەنتى.

باقىت تۇرلىحان ۇلى سۇلتانوۆ 1971 جىلى 29 قاراشادا دۇنيەگە كەلگەن. 1994 جىلى قازاق ۇلتتىق تەحنيكالىق ۋنيۆەرسيتەتىن ينجەنەر-ەلەكتريك ماماندىعى بويىنشا، 1995 جىلى قازاق مەملەكەتتىك باسقارۋ اكادەمياسىن ەكونوميست ماماندىعى بويىنشا بىتىرگەن.

1994 جىلى قارجى مينيسترلىگىندە قارجى نارىعىنىڭ باعالى قاعازدارى باسقارماسىنىڭ اكسيونەرلەۋ جانە ليسەنزيالاۋ ءبولىمىنىڭ جەتەكشى ەكونوميسى بولعان.

1995 جىلدان باستاپ قارجى مينيسترلىگىندە ءبولىم باستىعى، 1996 جىلى باسقارما باستىعىنىڭ ورىنباسارى بولدى.

1997 جىلى بيۋدجەتتىك دەپارتامەنت ديرەكتورىنىڭ ورىنباسارى قىزمەتىن اتقارعان.

2003-2006 جىلدارى – ەكونوميكا جانە بيۋدجەتتىك جوسپارلاۋ ۆيسە-مينيسترى.

2006-2007 جىلدارى – ستاتيستيكا اگەنتتىگىنىڭ ءتوراعاسى.

2007 جىلعى 10 تامىزدان باستاپ ەكونوميكا جانە بيۋدجەتتىك جوسپارلاۋ ءمينيسترى.

2010 جىلى پرەزيدەنتتىڭ كومەكشىسى بولىپ تاعايىندالدى.

2012-2013 جىلدارى – پرەزيدەنت اكىمشىلىگى باسشىسىنىڭ ورىنباسارى.

2013-2018 جىلدارى – پرەمەر-مينيستردىڭ ورىنباسارى جانە قارجى ءمينيسترى. 

2022 جىلدىڭ 11 قاڭتارىنان باستاپ پرەمەر-مينيستردىڭ ورىنباسارى – ساۋدا جانە ينتەگراسيا ءمينيسترى.