شىعىس قازاقستان وبلىسى اكىمشىلىگىنە قاراستى "تازا وسكەمەن" مەملەكەتتىك مەكەمەسى وتكەن جىلدىڭ سوڭىندا جالپى قۇنى 30 ملن 57 مىڭ 600 تەڭگە تۇراتىن 6 مودۋلدىك دارەتحانا ساتىپ العان. بۇل تۋرالى ادىلدىك جولى رەسپۋبليكالىق قوعامدىق بىرلەستىگىنىڭ ديرەكتورى ديدار سماعۇلوۆ ءمالىم ەتتى.
جالپى سومانى 6-عا بولگەندە ءار دارەتحانانىڭ قۇنى 5 ملن 416 مىڭ 320 تەڭگە بولىپ شىعادى. ديدار سماعۇلوۆ مۇنداي باعاعا وسكەمەن قالاسىنان ءبىر بولمەى پاتەر سالىپ الۋعا بولاتىنىن ايتادى.
سوزىنشە، دارەتحانالارعا ۋنيتاز قويىلماعان. تەك ەدەندەگى تەسىك سەكىلدى گەنۋيا كەسەشەلەرى ورناتىلعان. ونىڭ ءوزى بىرەۋ عانا.
"ساراپتاما بىرنەشە ورىنعا شاقتالعان مۇنداي كونسترۋكسيالار 2 ملن تەڭگە تۇراتىنىن كورسەتىپ وتىر. ال ءبىزدىڭ جاعدايىمىزدا ءبىر ورىندىق كابينالار ساتىپ الىنعان. كرىشا سايتىنان وسكەمەننەن 1 بولمەلى جاقسى پاتەردى 5 جارىم ميلليونعا تابۋعا بولايىنىن ەسكەرسەك، بۇل ساتىپ الۋ ناعىز مازاپ بولىپ تۇر" دەيدى ادىلدىك جولى رەسپۋبليكالىق قوعامدىق بىرلەستىگىنىڭ ديرەكتورى facebook پاراقشاسىندا.
پىكىر قالدىرۋ