الماتى قالاسىنىڭ بۇرىنعى اكىمى باقىتجان ساعىنتايەۆتىڭ ورىنباسارى بولعان ەرجان باباقۇماروۆ پرەزيدەنت جانىنداعى ورتالىق كوممۋنيكاسيالار قىزمەتىنىڭ ديرەكتورى بولىپ تاعايىندالدى. جارلىق اقوردا سايتىندا جاريالاندى.
مۇنىڭ الدىندا اتالعان قىزمەتتە رۋسلان الىشيەۆ بولدى.
ەرجان باباقۇماروۆ 1969 جىلى 2 ناۋرىزدا دۇنيەگە كەلگەن. 1991 جىلى ءال-فارابي اتىنداعى قازاق مەملەكەتتىك ۋنيۆەرسيتەتىن "ساياسات تاريحىنىڭ وقىتۋشىسى" ماماندىعى بويىنشا بىتىرگەن.
ءار جىلدارى جىلدارى قازاقستان دامۋ ينستيتۋتىنىڭ ساياسي زەرتتەۋلەر ورتالىعىنىڭ ىشكى ساياسات ءبولىمى مەڭگەرۋشىسى، ديرەكتورى، الماتى قالاسى اكىم اپپاراتىنىڭ باس مامانى، پرەزيدەنتى اكىمشىلىگىنىڭ الەۋمەتتىك-ساياسي ءبولىمىنىڭ باس ينسپەكتورى، پرەزيدەنت اكىمشىلىگىنىڭ اعا رەفەرەنتى، كەڭەسشىسى، سەكتور مەڭگەرۋشىسى، ىشكى ساياسات ءبولىمى مەڭگەرۋشىسىنىڭ ورىنباسارى، مادەنيەت جانە اقپارات، مادەنيەت، اقپارات جانە سپورت ۆيسە-مينيسترى، مادەنيەت جانە اقپارات مينيسترلىگىنىڭ جاۋاپتى حاتشىسى، پرەزيدەنت جانىنداعى ورتالىق كوممۋنيكاسيالار قىزمەتىنىڭ ديرەكتورى، پرەمەر-مينيستر كەڭسەسى مەڭگەرۋشىسىنىڭ ورىنباسارى، پرەزيدەنت قاسىم-جومارت توقايەۆتىڭ كەڭەسشىسى قىزمەتتەرىن اتقارعان.
2019 جىلعى 5 شىلدەدەن باستاپ الماتى قالاسى اكىمىنىڭ ورىنباسارى بولعان. يدەولوگيا سالاسىنا جەتەكشىلىك ەتكەن.
پىكىر قالدىرۋ