جامبىل وبلىسى پوليسيا دەپارتامەنتىنىڭ باستىعى بولىپ ارمانبەك بايمۋرزين تاعايىندالدى، دەپ حابارلادى Polisia.kz سايتى.
ارمانبەك بايمۋرزين 1974 جىلى دۇنيەگە كەلگەن.
1992 جىلدان باستاپ ىشكى ىستەر ورگاندارىندا قىزمەت اتقارىپ كەلەدى.
2004-2012 جىلدارى ءىىم كريمينالدىق پوليسيا كوميتەتىنىڭ باسشىسى بولدى.
ءار جىلدارى جامبىل وبلىسى ىشكى ىستەر دەپارتامەنتى باستىعىنىڭ ءبىرىنشى ورىنباسارى، ىشكى ىستەر مينيسترلىگى كريمينالدىق پوليسيا دەپارتامەنتىنىڭ باستىعى لاۋازىمدارىن اتقاردى.
2019 جىلدىڭ قازانىنان اقمولا وبلىسى پوليسيا دەپارتامەنتىنىڭ باستىعى قىزمەتىن اتقارىپ كەلەدى.
ارمانبەك بايمۋرزينگە دەيىن جامبىل وبلىسى پوليسيا دەپارتامەنتىن گەنەرال جانات سۇلەيمەنوۆ باسقارعان. ول قاڭتار وقيعاسىنان كەيىن وزىنە قول سالىپ قايتىس بولعان.
جۋرناليست ميحايل كوزاچكوۆ ءوزىنىڭ telegram-كانالىندا تارازداعى تارتىپسىزدىكتەن كەيىن جانات سۇلەيمەنوۆتىڭ ۇستىنەن قىلمىستىق ءىس قوزعالعانى تۋرالى حابارلاعان.
پىكىر قالدىرۋ