قازاقستاننىڭ ەكس-پرەزيدەنتى نۇرسۇلتان نازاربايەۆتىڭ قىزى داريعا نازاربايەۆانىڭ ءماجىلىس دەپۋتاتتى رەتىندەگى وكىلەتىن توقتاتىپ، ونىڭ دەرەۋ وتستاۆكاعا كەتۋىن تالاپ ەتكەن پەتيسيا ىسكە قوسىلدى.

"ەلباسىنىڭ ۇلكەن قىزى داريعا نازاربايەۆانىڭ وتستاۆكاعا كەتۋى مۇمكىن دەگەن ماسەلە كوپتەن بەرى كۇن تارتىبىندە تۇرعان، ءبىراق نازاربايەۆا ورتالىق سايلاۋ كوميسسياسىنا رەسمي ءوتىنىش بەرگەن جوق. كومەكشىسىنىڭ ايتۋىنشا، ول كوروناۆيرۋسپەن اۋىرعاننان كەيىن ەڭبەك دەمالىسىندا. كەيبىر اقپارات كوزدەرى ونىڭ دۋبايدا ەكەنىن ايتتى. داريعا نازاربايەۆانىڭ وتستاۆكاعا كەتۋىن تالاپ ەتەمىز!" دەلىنگەن پەتيسيادا.

داريعا نازاربايەۆا قاڭتارداعى حالىق نارازىلىعىنان بەرى ماجىلىستەگى جيىندارعا كەلگەن جوق. قاڭتاردىڭ باسىنان بەرى كوپشىلىك الدىنا دا شىقپادى. رەسمي اقپارات بويىنشا ول اقىسىز دەمالىستا. كوروناۆيرۋس جۇقتىرىپ، الماتىداعى ۇيىندە ەمدەلىپ جاتىر. بەيرەسمي اقپاراتتاردى ول دۋبايدا ەكەنى ايتىلادى. ول 28 قاڭتاردا "Nur Otan" پارتياسى ساياسي كەڭەسى قۇرامىنان شىعارىلعان.

10 قاڭتاردا دەپۋتات ايدوس سارىم داريعا نازاربايەۆا ءوز ەركىمەن ءوتىنىش جازىپ، وتستاۆكاعا كەتۋى كەرەك ەكەنىن ايتقان.