ماجىلىستە بيۋرو وتىرىسى ءوتىپ، وندا الداعى جالپى وتىرىستىڭ كۇن ءتارتىبىنىڭ جوباسى ناقتىلاندى. سونداي-اق "جاڭا قازاقستان" دەپۋتاتتىق توبىن تىركەلدى.
"ءماجىلىس بيۋروسى "جاڭا قازاقستان" دەپۋتاتتىق توبىن تىركەدى" دەلىنگەن اقپاراتتىق حابارلامادا.
توپ وكىلدەرى جۇمىستىڭ العاشقى ناتيجەسى 10 كۇننەن كەيىن بايقالاتىنىن ايتتى.
دەپۋتات ناتاليا دەمەنتيەۆا توپ الداعى ۋاقىتتا ايماقتارعا شىعىپ، قوردالانعان ماسەلەلەرمەن تانىسىپ قايتاتىنىن ايتادى. توپقا ءتۇرلى پارتيا وكىلدەرى مۇشە بولا الادى.
سوزىنشە، جۋىردا دەپۋتاتتىق توپقا ءۇش تەڭ ءتوراعا جەتەكشىلىك ەتپەك. ولاردىڭ قاتارىندا ناتاليا دەمەنتيەۆا، ەدىل جاڭبىرشين جانە ايدوس سارىم بار. ۇشەۋى دە "نۇر وتان" پارتياسىنىڭ وكىلى.
– ءبىز ءقازىر قارۋلى كۇشتەر تۋرالى، پوليسيا تۋرالى، ۇلتتىق قاۋىپسىزدىك تۋرالى زاڭداردى كۇتىپ وتىرمىز. ال ۇكىمەتتىڭ كەيبىر ۋاجدەرىنە قارايتىن بولساڭىز، ونى "جازدا بەرەمىز" دەيدى. ال وعان دەيىن بىزدە قۇقىق رەفورماسى جۇرمەۋى كەرەك پە؟ ارميانى كۇشەيتۋدىڭ كەرەگى جوق پا دەگەن سياقتى كوپتەگەن ماسەلە بار. سونداي دۇنيەلەردى بالكىم وسى "جاڭا قازاقستان" توبى ارقىلى بەلسەندى تۇردە تالاپ ەتىپ، پارلامەنتتە تريبۋناعا شىعارعىمىز كەلىپ وتىر، – دەدى ايدوس سارىم جۇمىس توبىنىڭ قۇرىلۋىنا بايلانىستى وتكەن باسپا ءسوز ءماسليحاتىندا.
پىكىر قالدىرۋ