رەسەي سىرتقى بارلاۋ قىزمەتىنىڭ ديرەكتورى سەرگەي نارىشكين "موسكوۆسكيي كومسومولەس" باسىلىمىنا بەرگەن سۇحبات بارىسىندا بارلاۋ قىزمەتىندە قازاقستانداعى قاڭتار وقيعاسىنا دايىندىق تۋرالى دەرەكتەر بولعانىن، ولاردى قازاقستانداعى ارنايى قىزمەتكە بولىسكەنىن ءمالىم ەتتى.
– ەڭ الدىمەن سيريادا تالقاندالعان يليم (يراك جانە ليەۆانت يسلام مەملەكەتى) ۇيىمى مەن وزگە دە تەرروريستىك توپتاردىڭ توناۋشىلارى ورتا ازيا ەلدەرىنە قاراي جىلجىپ كەلە جاتقانى تۋرالى اقپارات بولدى. بۇل ءبىزدىڭ دە، انا ەلدەردىڭ (ورتا ازيا ەلدەرى - رەد) دە ارنايى قىزمەتى ءۇشىن قۇپيا دەرەك ەمەس ەدى. مۇنداي قوزعالىس كىمنىڭ قامقورلىعىنىڭ ارقاسىندا جۇزەگە اسقانى دا بەلگىلى بولعان. ايماقتاعى بارلىق مەملەكەتتەر جاعدايعا بايلانىستى الاڭداۋشىلىق ءبىلدىردى. ءبىز قولىمىزداعى اقپاراتتى قازاقستانداعى ارىپتەستەرىمىزگە، ۇكشۇ-عا (ۇجىمدىق قاۋىپسىزدىك شارت ۇيىمى) كىرەتىن وزگە ەلدەرگە دە بولىستىك، – دەيدى سەرگەي نارىشكين.
رەسەي سىرتقى بارلاۋ قىزمەتىنىڭ ديرەكتورى قازاقستانداعى جاعداي دەسترۋكتيۆتىك ساياسي كۇشتەر بەيبىت نارازىلىق اكسيالارىن "ءتۇرلى-تۇستى رەفوليۋسياعا وپەراتيۆتى ءارى جوسپارلى تۇردە پايدالانا الاتىنىن ايقىن كورسەتكەنىن ايتادى.
6 قاڭتاردا پرەزيدەنت قاسىم-جومارت توقايەۆ ەلدەگى جاپپاي تارتىپسىزدىككە "تەررورلىق شابۋىل" دەگەن باعا بەرىپ، بۇزاقىلىقتى "ناعىز تەرروريستەر" جاساپ وتىرعانىن ايتقان. سونداي-اق ول تەرروريستىك توپتار شىن مانىندە، "شەتەلدە ۇلكەن دايىندىقتان وتكەن حالىقارالىق تەرروريستەر ەكەنىن" جانە "ولاردىڭ قازاقستانعا جاساعان شابۋىلىن باسقىنشىلىق اكتى رەتىندە قاراستىرۋ قاجەت ەكەنىن" ءمالىم ەتكەن.
الايدا رەسمي ورىندار ەشقانداي ۇيىمدى، ونىڭ وكىلدەرىن اتامادى. تەك 26 قاڭتاردا "حابار" تەلەارناسى قاڭتار وقيعاسى تۋرالى كورسەتكەن دەرەكتى فيلمدە وقيعاعا "ياكىن ينكار" راديكالدىق اعىم وكىلدەرىنىڭ قاتىسى بارى ايتىلعان. ودان وزگە اقپارات بەرىلمەدى.
پىكىر قالدىرۋ