اتىراۋدا وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى نۇرقۋات نۋدين ۇستالدى. بۇل تۋرالى اقجايىق باسىلىمى حابارلادى.
دەنساۋلىق ساقتاۋ باسقارماسى باسقارما باسشىسىنىڭ ورىنباسارى 10 اقپاندا ۇستالعانىن راستادى.
30 جاستاعى نۇرقۋات نۋدين دەنساۋلىق ساقتاۋ باسقارماسى باسشىسىنىڭ ورىنباسارى بولىپ وتكەن جىلدىڭ ءساۋىر ايىندا تاعايىندالعان بولاتىن. ول باسقارمانىڭ قارجى ماسەلەلەرىنە جەتەكشىلىك ەتكەن.
ەكونوميكالىق تەرگەۋ دەپارتامەنتى ازىرگە ەشقانداي مالىمەت بەرە المايتىنىن حابارلادى.
الايدا ونىڭ 2019 جىلدىڭ ساۋىرىنەن 2021 جىلدىڭ ناۋرىز ايىنا دەيىن وبلىستىق قۇرىلىس باسقارماسى باستىعىنىڭ ورىنباسارى قىزمەتىن اتقارعانى جانە وعان قىلمىستىق كودەكستىڭ 189-بابى (سەنىپ تاپسىرىلعان بوگدە مۇلىكتى يەمدەنىپ الۋ نەمەسە تالان-تاراجعا سالۋ) بويىنشا ايىپ تاعىلعانى بەلگىلى بولدى.
باسىلىمنىڭ حابارلاۋىنشا، ول پايدالانۋعا بەرىلمەگەن الەۋمەتتىك ماڭىزى بار نىساندار بويىنشا ورىندالعان جۇمىستاردىڭ اكتىلەرىنە قول قويعان دەپ ايىپتالىپ وتىر.
پىكىر قالدىرۋ