وليمپيادا چەمپيونى باقتيار ارتايەۆ قازاقستان بوكس فەدەراسياسىنىڭ ۆيسە-پرەزيدەنتى جانە مەملەكەتتىك باپكەر قىزمەتىنەن كەتۋ تۋرالى ءوتىنىش بىلدىرگەنىن راستادى.
– مەن وتستاۆكاعا كەتەتىنىمدى راستايمىن. ءبىراق سەبەبىن ازىرگە ايتا المايمىن، – دەدى ارتايەۆ.
وسىدان ەكى كۇن بۇرىن باقتيار ارتايەۆ الەۋمەتتىك جەلىدەگى پاراقشاسىندا قىلمىس الەمىندە "ديكيي ارمان" لاقاپ اتىمەن تانىمال ارمان جۇماگەلدييەۆتىڭ ءىستى بولىپ جاتقانىنا قاتىستى جازبا جاريالاپ، وعان قولداۋ بىلدىرگەن.
سونىمەن قاتار ول جۇماگەلدييەۆ پاندەميا كەزىندە قازاقستاندىقتارعا كومەكتەسكەنىن اتاپ ءوتتى.
پىكىر قالدىرۋ