ايجان ەسماعامبەتوۆا ق ر دەنساۋلىق ساقتاۋ ۆيسە-مينيسترى — ق ر باس مەملەكەتتىك سانيتارلىق دارىگەرى بولىپ تاعايىندالدى. بۇل تۋرالى پرەمەر-مينيستردىڭ باسپا ءسوز قىزمەتى مالىمدەدى.
بۇعان دەيىن قازاقستاننىڭ باس سانيتار دارىگەرى قىزمەتىندە ەرلان قياسوۆ بولعان.
ايجان ەسماعامبەتوۆا 1972 جىلى الماتى وبلىسىندا تۋعان. 1997 جىلى الماتى مەملەكەتتىك مەديسينا ۋنيۆەرسيتەتىن، قازاقستان مەديسينا ۋنيۆەرسيتەتىن (قوعامدىق دەنساۋلىق ساقتاۋ جوعارى مەكتەبى)، الماتى مەنەدجمەنت ۋنيۆەرسيتەتىن بىتىرگەن.
ەڭبەك جولىن 1990 جىلى الماتى قالاسىنداعى №7 ەمحانادا فەلدشەر-زەرتحاناشى بولىپ باستاعان.
1997-2004 جىلدارى رەسپۋبليكالىق سانيتارلىق-ەپيدەميولوگيالىق ستانسياسىنىڭ اسا ءقاۋىپتى ينفەكسيالار بولىمىندە دارىگەر-ەپيدەميولوگ، دارىگەر-باكتەريولوگ، زەرتحانا مەڭگەرۋشىسى بولىپ جۇمىس ىستەدى.
2004-2014 جىلدارى ق ر دسم مەملەكەتتىك سانيتارلىق-ەپيدەميولوگيالىق قاداعالاۋ كوميتەتىنىڭ قۇرىلىمىندا ءتۇرلى لاۋازىمدار اتقاردى.
2013 جىلى ق ر دسم مەملەكەتتىك سانيتارلىق-ەپيدەميولوگيالىق قاداعالاۋ كوميتەتىنىڭ ءتوراعاسى بولىپ تاعايىندالدى.
2014-2017 جىلدارى – ق ر ۇەم تۇتىنۋشىلاردىڭ قۇقىقتارىن قورعاۋ كوميتەتى ەپيدەميولوگيالىق قاداعالاۋ باسقارماسىنىڭ باسشىسى.
2017-2020 جىلدارى – ق ر قوعامدىق دەنساۋلىق ساقتاۋ ساياساتى دەپارتامەنتىنىڭ ديرەكتورى.
2020 جىلعى قازاننان قازىرگى ۋاقىتقا دەيىن ق ر دسم سانيتارلىق-ەپيدەميولوگيالىق باقىلاۋ كوميتەتىنىڭ ءتوراعاسى بولىپ جۇمىس ىستەدى.
پىكىر قالدىرۋ