دسم سانيتارلىق-ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتانايەۆ پەرزەنتحانالاردا سابيلەرگە كوروناۆيرۋسقا قارسى ۆاكسينا ەگىلىپ جاتىر دەگەن اقپاراتتى جوققا شىعاردى.

– ءبىزدىڭ ەلىمىزدە دە، الەمدە دە جاڭا تۋعان نارەستەلەردى COVID-19-عا قارسى ۆاكسيناسيالاۋ جۇرگىزىلىپ جاتقان جوق. قازاقستاندا 12 جاستان اسقان بالالار عانا COVID-19-عا قارسى ەگىلەدى. رۇقسات ەتىلگەن ۆاكسينا – Pfizer/BioNTech شىعارعان Comirnaty. ونى ددسۇ ماقۇلدادى، – دەدى كوميتەت وكىلى.

ونىڭ ايتۋىنشا، قازاقستاندا 12 جاستان اسقان جاسوسپىرىمدەردى تەك ولاردىڭ اتا-انالارىنىڭ نەمەسە قامقورشىلارىنىڭ ەرىكتى كەلىسىمىمەن عانا ۆاكسيناسيالايدى.

بۇعان دەيىن الەۋمەتتىك جەلىلەردە نارەستەلەردى COVID-19-عا قارسى ۆاكسيناسىز پەرزەنتحانالاردان شىعارمايتىنى تۋرالى اقپارات تاراعان بولاتىن.