بەلگىلى قازاقستاندىق جۋرناليست دينارا ەگەۋبايەۆا الەۋمەتتىك جەلىدەگى پاراقشاسىندا سەمەيلىك قۇرمەتتى دونور سىرىم ايدارحانوۆتىڭ اياۋسىز ازاپتالعانى تۋرالى جازدى.
– 1988 جىلى تۋعان ايدارحانوۆ سىرىم قايرات ۇلى 6 قاڭتاردا سەمەيدەگى الاڭعا بەيبىت شەرۋگە شىققان. ادامداردى اتا باستاعان كەزدە بارلىعى دۇرلىگىپ، قاشا جونەلگەن. جارالىلار كومەك سۇراپ، سىرىم سولارعا كومەكتەسكەن. سوندىقتان قاشىپ ۇلگەرمەي، ۇستالىپ قالعان. سىرىمنىڭ اناسى ۇلىنىڭ قايدا ەكەنىن 4 كۇننەن كەيىن عانا بىلگەن. ونى وسكەمەندەگى تەرگەۋ يزولياتورىنان تابادى. ول ۇلىن ءبىر ايدان كەيىن عانا كورە الدى، – دەدى ەگەۋبايەۆا.
جۋرناليست جازباسىندا سىرىم ايدارحانوۆ قۇرمەتتى دونور ەكەنىن جانە ۇنەمى قان تاپسىرىپ، كومەكتەسىپ جۇرەتىنىن اتاپ ءوتتى. ول 4 جىل بۇرىن دەرتكە شالدىققان تۋىسقانىنا ەش ويلانباستان ءبىر بۇيرەگىن بەرگەن.
– اناسى ونى 4 كۇن بويى ۇرعانىن ايتادى. "سەن قارسى كەلگەن قۇداي مەن بيلىك الدىڭدا تۇرمىز دەپ ايقايلاعان. قاي جاعىندا بۇيرەك جوق ەكەنىن سۇرادى. سىرىم ءالسىز سول جاعىنان ۇرماس ءۇشىن وڭ جاعىن كورسەتكەن. ءبىراق بۇل كومەكتەسپەدى. بۇيىرىنەن، باسىنان ۇرعان. قۇددى ولتىرگىلەرى كەلگەندەي بارلىق جەرىنەن ۇرعان. بەسىنشى كۇنى سىرىم ەس-تۇسىن جوعالتتى. كەيدە ءوزىنىڭ ءتىرى ەمەس ەكەنىن ايتقان داۋىستاردى ەستىگەن. ءبىراق ول ءالى ءتىرى ەدى، – دەدى ول.
– سىرىم وتباسىنداعى جالعىز اسىراۋشى بولعان. ءوزىنىڭ جەكە كولىگىمەن اقشا تاۋىپ جۇرگەن. ءقازىر بالالارىنىڭ ازىق-تۇلىگىنە اقشا كەرەك. ولار ۇشەۋى ءسابي، – دەپ جازبا اۆتورى كوپشىلىكتەن قارجىلاي كومەكتەسۋدى سۇرادى.
سىرىمنىڭ اناسى ايماننىڭ رەكۆيزيتى تومەندەگىدەي:
پىكىر قالدىرۋ