بولگاريا بەلەنە قالاسىندا اەس سالۋ يدەياسىنان باس تارتتى. اەس قۇرىلىسىن رەسەي جۇرگىزۋگە ءتيىس بولعان. الايدا اتومەلەكترستانساسىن وزگە "كوزلودۋي" قالاسىنان سالۋدى ويلاپ وتىر، دەپ حابارلادى gazeta.ru سايتى.
ەلدىڭ پرەمەر-مينيسترى كيريل پەتكوۆ بەلەنەدە اەس رەاكتورلارى سالىنبايتىنىن، جاڭا رەاكتورلاردى "كوزلودۋي" قالاسىندا سالۋ مۇمكىندىگى قارالىپ جاتقانىن ءمالىم ەتتى bTV تەلەارناسىنا بەرگەن سۇحباتتا.
2006 جىلى بولگاريانىڭ ۇلتتىق ەلەكترەنەرگەتيكا كومپانياسى "روساتوممەن" بەلەنەدە اەس قۇرىلىسىن سالۋ تۋرالى كەلىسىم جاساسقان.
ەل ۇكىمەتى جوباعا 1،5 ملرد ەۋرو جۇمساپ، 2009 جىلى "بەلەنەدەگى" قۇرىلىس توقتاتىلعان. 2012 جىلعى ناۋرىزدا اەس سالۋدان باستارتۋ تۋرالى شەشىم قابىلدادى. الايدا ول كەزدە "روساتوم" رەاكتورلاردىڭ العاشقى كومپلەكتىن جاساپ ۇلگەرگەن. 2016 جىلى بولگاريا "روساتومعا" 601 ملن ەۋرو وتەماقى قايتارىپ بەرەدى.
2018 جىلى ەلدىڭ سول كەزدەگى پرەمەر-مينيسترى بويكو بوريسوۆ بولگاريا بەلەنەدەگى قۇرىلىستى جانداندىراتىنىن، ونى ستراتەگيالىق ينۆەستور ارقىلى كونكۋرستىق پروسەدۋرا نەگىزىندە جۇرگىزەتىنىن ءمالىم ەتكەن. "روساتوم" قۇرىلىسقا حالىقارالىق كووپەراسيا اياسىندا جوباعا قاتىسۋعا ازىرلىگىن جەتكىزدى.
2020 جىلعى مامىردا "روساتوم"، Framatome SAS جانە GE Steam Power بەلەنەدەگى اەس قۇرىلىسى بويىنشا مەموراندۋمعا قول قويادى. الايدا پاندەمياعا بايلانىستى كونكۋرستىق پروسەدۋرالار كەيىنگە قالدىرىلدى.
2021 جىلعى قاڭتاردا بولگاريا "گيبريدتىك" اتوم رەاكتورىن سالاتىنى، "بەلەنەدەگى" اەس قۇرىلىسىنان كەزەكتى رەت باس تارتاتىنى، "روساتوم" ورناتقان جابدىقتار "كوزلودۋي" ەلەكترستانسياسىنا سالىناتىن جاڭا رەاكتورعا ورناتىلاتىنى بەلگىلى بولدى.
پىكىر قالدىرۋ