قازاقستاننىڭ ۋكرايناداعى ەلشىلىگى توتەنشە جاعدايلار تۋىنداعان جاعدايدا دەر كەزىندە كومەك كورسەتۋ ماقساتىندا قازاقستان رەسپۋبليكاسىنىڭ ازاماتتارىن كونسۋلدىق ەسەپكە تۇرۋىعا شاقىردى.
"قازاقستان رەسپۋبليكاسى ەلشىلىگىنىڭ ۆەب-سايتىندا ورنالاستىرىلعان تىركەۋ كارتاسىن تولتىرىپ، ءتولقۇجاتىڭىزدىڭ كوشىرمەسىمەن بىرگە consul.kiev@mfa.kz ەلەكتروندىق پوشتاسىنا جىبەرۋ ارقىلى ەلشىلىكتە جەكە قاتىسۋسىز كونسۋلدىق تىركەۋگە تۇرۋعا بولادى" دەلىنگەن اقپاراتتىق حابارلامادا.
ەلشىلىك مالىمەتىنشە، وزەكتى اقپاراتتى قازاقستان رەسپۋبليكاسىنىڭ ۋكرايناداعى ەلشىلىگىنىڭ ۆەب-سايتىنان، الەۋمەتتىك جەلىلەرىنەن جانە جەدەل مەسسەندجەرلەرىنەن باقىلاۋعا بولادى:
Facebook: https://www.facebook.com/KazEmbassyUkr/؛
Instagram: @kazembukr؛
Telegram: t.me/KZembassyinUKR؛
Telegram-bot: @ConsulKZinUAbot
ەلشىلىكتىڭ بايلانىس نومىرلەرى: +38 (044) 483-15-96؛ +38 (067) 347-04-08 (جەدەل قوڭىراۋلار ءۇشىن).
بۇگىندە ۋكراينا مەن رەسەي اراسى شيرىعىپ تۇر. باتىس پەن ۋكراينا رەسەي كەز كەلگەن ۋاقىتتا رەسمي كييەۆكە باسىپ كىرۋى مۇمكىن دەپ قاۋىپتەنەدى. قازىرگى ۋاقىتتا رەسەي ۋكراينامەن شەكاراسىنا 100 مىڭعا جۋىق اسكەر ورنالاستىرعان. الايدا رەسمي ماسكەۋ كييەۆكە شابۋىلدامايتىنىن ايتادى. ساراپشىلار ەكى سلاۆيان مەملەكەتى اراسىنداعى شيەلەنىستى ءارتۇرلى باعالايدى. ءبىرى رەسەي باتىس پەن ۋكرايناعا دوق كورسەتىپ وتىر دەسە، ءبىرى شىنايى سوعىس ءقاۋپى بار دەگەن پىكىردە. ماماندار رەسەيدىڭ ارەكەتىن كييەۆتىڭ ماسكەۋ ىقپالىنان شىعىپ، باتىسقا جاقىنداۋعا تىرىسۋىنا دەگەن تەرىس كوزقاراسپەن بايلانىستىرادى. رەسەي الدەنەشە رەت ناتو-عا ۋكراينانى قابىلداماۋعا، شىعىس ەۋروپاداعى ىقپالىن ازايتۋعا شاقىرعان.
پىكىر قالدىرۋ