اسەم ءنۇسىپوۆا الماتى اكىمى ەربولات دوسايەۆتىڭ وكىمىمەن الماتى قالاسى اكىمىنىڭ ورىنباسارى بولىپ تاعايىندالدى. بۇل تۋرالى قالالىق اكىمدىكتىڭ باسپا ءسوز قىزمەتى حابارلادى.
اسەم ءنۇسىپوۆا بۇعان دەيىن دەنساۋلىق ساقتاۋ ۆيسە-مينيسترى قىزمەت اتقارعان.
ول 1975 جىلى 1 مامىردا الماتى قالاسىندا تۋعان، ءال-فارابي اتىنداعى قازاق مەملەكەتتىك ۋنيۆەرسيتەتىنىڭ تۇلەگى، "ەكونوميكا جانە مەنەدجمەنت" ماماندىعى بويىنشا ماگيستراتۋرا مەن اسپيرانتۋرانى بىتىرگەن.
2001-2003 جىلدارى – قاۋىپسىزدىك كەڭەسىنىڭ ەكونوميكالىق قاۋىپسىزدىك ماسەلەلەرى جونىندەگى ءبولىمىنىڭ باس ساراپشىسى، ق ر پرەزيدەنتى اكىمشىلىگىنىڭ جۇيەلى زەرتتەۋلەر ورتالىعىنىڭ ساراپشىسى، سەكتور مەڭگەرۋشىسى.
2003-2007 جىلدارى – ق ر قارجى ءمينيسترىنىڭ كەڭەسشىسى، پرەمەر-مينيستردىڭ كەڭەسشىسى، پرەمەر-مينيستر كەڭسەسىنىڭ قورىتىندى ساراپتاۋ ءبولىمىنىڭ مەڭگەرۋشىسى بولىپ جۇمىس ىستەدى.
2007-2008 جىلدارى – دەنساۋلىق ساقتاۋ ۆيسە-مينيسترى.
2008-2016 جىلدارى – "قازترانسويل" اق باس ديرەكتورىنىڭ ەكونوميكا جانە قارجى جونىندەگى ورىنباسارى.
2016-2019 جىلدارى – شىعىس قازاقستان وبلىسى اكىمىنىڭ ورىنباسارى.
پىكىر قالدىرۋ