قانات شارلاپايەۆ قازاقستاننىڭ دامۋ بانكى (قدب) ديرەكتورلار كەڭەسى ءتوراعاسىنىڭ مىندەتىن اتقارۋشى بولىپ تاعايىندالدى، دەپ حابارلادى كازتاگ اقپارات اگەنتتىگى.
"2022 جىلعى 9 اقپاندا قازاقستان دامۋ بانكى ديرەكتورلار كەڭەسىنىڭ قۇرامىنان باسقارما ءتوراعاسى ا.ا. ءارىپحانوۆ الىنىپ، ونىڭ ورنىنا ق. ب. شارلاپايەۆ سايلاندى" دەلىنگەن حابارلامادا.
شارلاپايەۆ 2 اقپاندا "بايتەرەك" ۇلتتىق باسقارۋشى حولدينگىنە باسشىلىققا كەلگەن. كەيىنىرەك ول 2016 جىلعى قاراشادا رەسەيدە سىبايلاس جەمقورلىق قىلمىسى ءۇشىن سوتتالعان ساراتوۆ وبلىسى ماركسوۆ اۋدانى جيىنىنىڭ دەپۋتاتى ءبيسىمباي شارلاپايەۆتىڭ ۇلى ەكەنى بەلگىلى بولدى.
رەسەيدىڭ ساراتوۆ وبلىسىنىڭ تۋماسى قانات شارلاپايەۆ 2020 جىلدان باستاپ 2022 جىلعى قاڭتاردىڭ سوڭىنا دەيىن "سيتي" ينۆەستبانكىنىڭ (واە) افريكا، تاياۋ شىعىس جانە شىعىس ەۋروپا دامۋشى نارىقتارىننىڭ ستراتەگيا، جوسپارلاۋ جانە تالداۋ جونىندەگى ايماقتىق ديرەكتورى بولعان.
2017-2020 جىلدارى "سيتيبانك رەسەيدىڭ" رەسەي، ۋكراينا جانە قازاقستان بويىنشا باس قارجى ديرەكتورى، اعا ۆيسە-پرەزيدەنتى بولعان.
ونىڭ الدىندا 2015-2017 جىلدارى "سيتيبانك كازاقستاننىڭ" باس قارجى ديرەكتورى، باسقارما ءتوراعاسىنىڭ ورىنباسارى، اعا ۆيسە-پرەزيدەنتى بولعان.
ەسكە سالا كەتەيىك، 11 قاڭتاردا پرەزيدەنت قاسىم-جومارت توقايەۆ "قازاقستاننىڭ دامۋ بانكى ءىس جۇزىندە قارجى-ونەركاسىپتىك جانە قۇرىلىس توپتارى وكىلدەرىنىڭ شاعىن توبى ءۇشىن جەكە بانككە اينالدى" دەپ مالىمدەگەن. 25 اقپاندا اباي ساركۋلوۆتىڭ قدب-نىڭ باسشىسى رەتىندەگى وكىلەتتىگى مەرزىمىنەن بۇرىن توقتاتىلعان.
پىكىر قالدىرۋ