بەلگىلى سپورتشى، اۋىر اتلەت يليا ءيليننىڭ اعاسى پارا بەردى دەگەن كۇدىكپەن ۇستالدى. بۇل تۋرالى جۋرناليست ميحايل كوزاچكوۆ Telegram-كانالىندا حابارلادى.
"سىبايلاس جەمقورلىققا قارسى قىزمەت قىزىلوردادا وتكەن جىلى 6 ميلليون تەڭگە الۋ ۇستىندە قالا پروكۋراتۋراسىنىڭ قوعامدىق مۇددەلەردى قورعاۋ ءبولىمىنىڭ باستىعى ءاليحان بازاربايەۆتى قاماۋعا العان. قاداعالاۋ ورگانىنىڭ قىزمەتكەرى 5 سپورتتىق بالالار مەكتەبىنىڭ جۇمىسى بويىنشا وڭ قورىتىندى بەرۋ ءۇشىن اقشا العان. ال وعان اقشانى بەس سپورت جەتەكشىسى – يمانبەك جۇمابايەۆ، ابىلايحان اقبەرگەنوۆ، سەرىك سەكسەمبايەۆ، ەربول كيكبايەۆ جانە اۋىر اتلەتيكادان بۇرىنعى وليمپيادا چەمپيونى يليا ءيليننىڭ اعاسى الەكسەي يلين جيناپ بەرگەن" دەلىنگەن جازبادا.
تەلەگرام كانالداعى اقپاراتقا سۇيەنسەك، جاقىندا بۇل ءىس بويىنشا ۇكىم جاريالانعان. بازاربايەۆ "كىنالى" دەپ تانىلىپ، پارا بەرۋشىلەردىڭ جاۋاپكەرشىلىگى تۋرالى ماسەلە قارالعان.
"16 اقپاندا بەسەۋى دە ۋاقىتشا ۇستاۋ يزولياتورىنا قامالدى، ەرتەڭ بۇلتارتپاۋ شاراسىن تاڭداۋ ماسەلەسى شەشىلەتىن بولادى" دەپ جازدى كوزاچكوۆ.
پىكىر قالدىرۋ