باس پروكۋراتۋرا بۇرىنعى قورعانىس ءمينيسترى مۇرات بەكتانوۆ قامالىپ، ۇستىنەن قىلمىستىق ءىس قوزعالعانىن حابارلادى.
"2022 جىلعى 19 اقپاندا باس پروكۋراتۋرا بۇرىنعى قورعانىس ءمينيسترى مۇرات كارىباي ۇلى بەكتانوۆقا قاتىستى قازاقستان رەسپۋبليكاسى قىلمىستىق كودەكسىنىڭ 452-بابى ارەكەتسىزدىك فاكتىسى بويىنشا سوتقا دەيىنگى تەرگەپ-تەكسەرۋدى باستادى.
2022 جىلعى 20 اقپاندا م. ك. بەكتانوۆ وسى قىلمىستى جاسادى دەگەن كۇدىكپەن ۇستالىپ، ۋاقىتشا ۇستاۋ يزولياتورىنا قامالدى" دەلىنگەن باس پروكۋراتۋرا حابارلاماسىندا.
بۇعان دەيىن مۇرات بەكتانوۆ ۇستالعانى تۋرالى اقپارات تاراعان.
ەكس-مينيستر قىزمەتىنەن 19 قاڭتار كۇنى الىنعان.
پرەزيدەنت ق.توقايەۆ قاڭتار وقيعاسى كەزىندە قارۋلى كۇشتەر وزىنە سەنىمسىز ءارى قابىلەتسىز باسشىلىعىنىڭ كەسىرىنەن جۇكتەلگەن مىندەتتەردى ءتيىستى دەڭگەيدە اتقارا الماعانىن، بەكتانوۆ كومانديرلىك قابىلەتىن كورسەتە الماعانىن ءمالىم ەتكەن.
پىكىر قالدىرۋ