سىبايلاس جەمقورلىق پەن ۇيىمداسقان قىلمىستى زەرتتەۋدىڭ حالىقارالىق ورتالىعى (OCCRP) ەكس-پرەزيدەنت نۇرسۇلتان نازاربايەۆ وتباسى مۇشەلەرىنىڭ شۆەيساريا بانكىندەگى شوتتارى تۋرالى حابارلادى. اقپارات كازتاگ سايتىندا جاريالاندى.

"Credit Suisse بانكىنەن جىلىستاعان دەرەكتەردە شۆەيساريا بانكىنەن شوت اشقان ونداعان جەمقور شەنەۋنىك، قىلمىسكەر جانە ادام قۇقىقتارىن بۇزۋشىلار تۋرالى اقپارات بار. اقشانى شۆەيساريا بانكىندە ساقتاۋدىڭ ەش سوكەتى جوق. ونىڭ ۇستىنە بانكتەر اقشانى زاڭسىز جولمەن تاپقان كليەنتتەرمەن جۇمىس ىستەمەيدى دەگەن تۇسىنىك بار. (ءبىراق) Credit Suisse بىرنەشە جىلدار بويى كۇماندى تۇلعالارعا قىزمەت كورسەتىپ كەلگەن. ولاردىڭ رۋپۋتاسياسىن Google-دان ىزدەۋ ارقىلى تەكسەرۋ قيىن ەمەس. ءبىراق كەيبىر شوتتار قۇقىق قورعاۋ ورگاندارىنىڭ تالابى بويىنشا بۇعاتتالعان بولۋى مۇمكىن" دەلىنگەن OCCRP زەرتتەۋىندە.

اتالعان بانكتە داريعا نازاربايەۆانىڭ 2008-2012 جىلدار ارالىعىندا بەلسەندى بولعان التى شوتى اشىلعان.

ماسەلەن، نازاربايەۆا اتىنداعى كورپوراتيۆتىك شوتتاردىڭ بىرىندە 21 ملن 611 مىڭ 765 شۆەيسار فرانكى (21.02.22 – 23 ملن 530 مىڭ 306 دوللار) قارجى بولعان. باسقا شوتتاردا 7 ملن 048 مىڭ 874 شۆەيسار فرانكى، ($7 674 623،69)، 6 755 025 شۆەيسار فرانكى ($7 354 688،83) 36 416 شۆەيسار فرانكى ($39 648،76)، 6 471 963 شۆەيسار فرانكى ($7 046 498،57) جانە 263 881 شۆەيسار فرانكى ($287 306،51) قاراجات بولعان.

سونداي-اق، زەرتتەۋشىلەر تيمۋر قۇلىبايەۆقا تيەسىلى توعىز شوتتى انىقتاعان. ولاردىڭ بارلىعى كورپوراتيۆتىك شوتتار. ولاردىڭ سەگىزى 2006 جىلدان 2014 جىلعا دەيىن جۇمىس ىستەگەن. ماكسيمالدىق بالانسى 395 ملن 50 مىڭ 310 شۆەيسار فرانكىن ($ 430 120 111،17) قۇرايتىن ءبىر شوت زەرتتەۋ كەزىندە بەلسەندى بولدى.

قالعان شوتتاردا ماكسيمالدى بالانس تومەندەگىدەي:

♦ 843 945 389 فرانك ($918 864 953،02)؛

♦ 187 930 فرانك ($204 613،11)؛

♦ 717 803 678 فرانك ($781 525 263،91)؛

♦ 121 637 فرانك ($132 435،08 )؛

♦ 101 825 فرانك ($110864،31 )؛

♦ 60،672 فرانك ($66،058،04)؛

♦ 65،175 فرانك ($70،960،78)؛

♦ 57،164 فرانك ($62،238،62).

OCCRP جەكە زەرتتەۋى پرەزيدەنت قاسىم-جومارت توقايەۆتىڭ بۇرىنعى ايەلى نادەجدا توقايەۆا جانە ولاردىڭ ۇلى تيمۋرعا تيەسىلى شوتتار مەن اكتيۆتەر تۋرالى دا اقپارات جاريالاعان. اقوردا زەرتتەۋدەگى دەرەكتەردى "فەيك" دەپ، پرەزيدەنتكە اقپاراتتىق شابۋىل جاسالىپ وتىر دەپ حابارلاما تاراتتى.