ۇلىبريتانيا پرەمەر-مينيسترى بوريس دجونسون باتىس دايىنداپ جاتقان ەكونوميكالىق سانكسيالار ماسكەۋگە "وتە، وتە اۋىر" تيەتىنىن ايتتى.

ونىڭ سوزىنشە، سانكسيالار ۆلاديمير ءپۋتيننىڭ ەۋروپاداعى 1945 جىلدان بەرگى ەڭ اۋىر قاقتىعىستى باستاۋىنا توسقاۋىل بولۋ ءۇشىن ءالى دە جەتكىلىكسىز بولۋى مۇمكىن.

بۇعان دەيىن فرانسيا پرەزيدەنتى ەممانيۋەل ماكرون اقش پەن رەسەي باسشىلارىنىڭ كەزدەسۋىن ۇيىمداستىرۋعا شاقىرعان.

ماكرون قوس تاراپتىڭ باسشىلارىمەن تەلەفون ارقىلى سويلەسىپ، ەكى جاقتىڭ كەلىسىمىن العان. كەزدەسۋ بارىسىن 24 اقپاندا اقش مەملەكەتتىك حاتشىسى ەنتوني بلينكەت مەن رەسەي سىرتقى ىستەر ءمينيسترى سەرگەي لاۆروۆ كەزدەسۋ كەزىندە ازىرلەيدى.

رەسمي پاريج ءسامميتتى رەسەي ۋكرايناعا باسىپ كىرمەگەن جاعدايدا عانا وتكىزۋ مۇمكىن ەكەنىن ايتادى.

سوڭعى بىرنەشە تاۋلىكتە رەسەي-ۋكراينا كونفليكتى ۇشىعا ءتۇستى. وبسە-نىڭ ارنايى مونيتورينگتىك ميسسياسى 19 اقپان كۇنى عانا وق اتۋدى توقتاتۋ رەجيمى 1500 رەت بۇزىلعانىن ءمالىم ەتكەن. بايدەن كرەم كييەۆتى باسىپ كىرۋ تۋرالى شەشىمدى قابىلداپ قويعان دەپ سانايدى.

باتىستىق ارنايى قىزمەت دەرەگىنشە، رەسەي-ۋكراينا شەكاراسى ماڭىندا ماسكەۋدىڭ 150 مىڭنان استام اسكەرى ورنالاستىرىلعان. كرەمل بولسا، باسقىنشىلىق جاساۋدى جوسپارلاپ وتىرماعانىن ايتادى.