دەنساۋلىق ساقتاۋ مينيسترلىگى 21 اقپان كۇنگى ەپيدەميولوگيالىق جاعداي تۋرالى اقپاراتتى جاريالادى.

مينيسترلىك مالىمەتىنشە، وتكەن تاۋلىكتە پتر تەست ارقىلى 483 ادامنان كوروناۆيرۋس انىقتالعان. 20 اقپاندا 2 ادام كوروناۆيرۋستان، 3 ادام پنيەۆمونيادان كوز جۇمدى.

22 اقپانداعى مالىمەت بويىنشا، 30 846 ادام كوروناۆيرۋس ينفەكسياسىنان ەمدەلۋدە، ولاردىڭ ىشىندە 4 198 پاسيەنت ستاسيوناردا، 26 648 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققاندار اراسىندا 230 ادامنىڭ جاعدايى اۋىر، 103 پاسيەنتتىڭ جاعدايى وتە اۋىر، 85 ناۋقاس ءوجج اپپاراتىندا جاتىر.

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، "قىزىل" ايماقتا الماتى قالاسى،سولتۇستىك قازاقستان وبلىسى تۇر.

قوستاناي، پاۆلودار وبلىستارى "سارى" ايماقتا.

"جاسىل" ايماقتا: نۇر-سۇلتان، شىمكەنت قالالارى، الماتى، اقتوبە، اتىراۋ، اقمولا، باتىس قازاقستان، شىعىس قازاقستان، جامبىل، قاراعاندى، قىزىلوردا، ماڭعىستاۋ، تۇركىستان وبلىستارى.

22 اقپانداعى مالىمەت بويىنشا 9 355 368 ادام ۆاكسينانىڭ I كومپونەنتىن، 8 941 123 ادام II كومپونەنتىن سالدىرعان.