دەنساۋلىق ساقتاۋ ءمينيسترى اجار عينيات ۇكىمەت وتىرىسىند ەلدەگى ەپيدەميولوگيالىق جاعداي جونىندە باياندادى.

– قازاقستاندا كوروناۆيرۋس ينفەكسياسى بويىنشا ەپيدەميولوگيالىق جاعداي تۇراقتانىپ كەلەدى. سوڭعى اپتادا اۋرۋدىڭ تاۋلىكتىك ءوسىمى تاۋلىگىنە 1200 جاعدايعا دەيىن تومەندەدى، بۇل – ينفەكسيانىڭ تارالۋ كوەففيسيەنتىنە دە اسەر ەتتى. ەپيدەميولوگيالىق جاعدايدىڭ كورسەتكىشتەرىنىڭ وڭ ديناميكاسى بايقالادى. سوڭعى ايدا كوروناۆيرۋس ينفەكسياسى جاعدايلارىنىڭ ورتاشا تاۋلىكتىك سانى 34 ەسە ازايدى، – دەدى مينيستر.

ونىڭ ايتۋىنشا، ستاسيوناردا ەمدەلىپ جاتقان ادامداردىڭ سانى 2،3 ەسەگە، امبۋلاتوريادا ەمدەلۋشىلەردىڭ سانى 5،1 ەسەگە ازايعان.

سونداي-اق ول "وميكرون" شتامى قازاقستاننىڭ بارلىق وڭىرىندە تارالعانىن اتاپ ءوتتى.

– ەلدىڭ بارلىق وڭىرىندە "وميكرون" اينالىمى انىقتالدى، ول جالپى زەرتتەلگەن سىنامالاردىڭ 72%-ىن قۇرادى. "وميكرونمەن" قاتار "دەلتا" شتامى دا ءجيى كەزدەسەدى. ول جالپى سىنامالاردىڭ 25 پايىزىن قۇراعان. قازىرگى تاڭدا "دەلتا" شتامى 15 وڭىردە تىركەلىپ وتىر. قالعان شتاممدار 3 پايىزدى قۇرايدى، – دەدى اجار عينيات.