پرەزيدەنتتىڭ باسپا ءسوز حاتشىسى بەرىك ءۋاليدىڭ بۇگىنگە جوسپارلانعان سۇحباتى كەيىنگە شەگەرىلدى. بۇل تۋرالى "Qazaqstan" ۇلتتىق تەلەارناسى حابارلادى.
"ق ر پرەزيدەنتىنىڭ باسپا ءسوز حاتشىسى بەرىك ءۋاليدىڭ «Qazaqstan» ۇلتتىق تەلەارناسىنا بۇگىنگە جوسپارلانعان ارنايى سۇحباتى كەيىنگە شەگەرىلگەنىن حابارلايمىز" دەلىنگەن تەلەارنا جازباسىندا.
بۇعان دەيىن بەرىك ءۋالي رەسەي مەن ۋكرايناداعى جاعدايعا قاتىستى بۇگىن 20:30-دا "Qazaqstan" ۇلتتىق تەلەارناسىنا سۇحبات بەرەتىنى حابارلانعان. ول جەردە ۋكرايناداعى جاعدايعا بايلانىستى قازاقستاننىڭ ۇستانىمى قانداي ەكەنىن، سونداي-اق قاڭتار وقيعاسىنا قاتىستى ساۋالدارعا جاۋاپ بەرىلەتىن دەپ كۇتىلگەن.
قازىرگى ۋاقىتتا رەسەيدىڭ ءوزى "ارنايى وپەراسيا" دەپ اتاعان باسقىنشىلىق ارەكەتى جالعاسىپ جاتىر. ۋكراينا قورعانۋ ۇستىندە.
ۋكراينا پرەزيدەنتى كەڭسەسىنىڭ شتاتتان تىس كەڭەسشىسى الەكسەي ارەستوۆيچ "سچاستە"، "ماريۋپول" قالالارى ازات ەتىلگەنىن، رەسەيدىڭ كوپتەگەن برونەتەحنيكاسى مەن التىنشى ۇشاعى جويىلعانىن ايتتى. سونداي-اق ول ۋكراينا 40 جاۋىنگەرىن جوعالتقانىن ءمالىم ەتتى.
پىكىر قالدىرۋ