اقش مەملەكەتتىك حاتشىسى ەنتوني بلينكەن رەسەي پرەزيدەنتى ۆلاديمير ءپۋتيننىڭ ۋكراينا ۇكىمەتىن قۇلاتۋعا تىرىساتىنىنا "سەنىمدى" ەكەنىن ايتتى.
اقش-تىڭ ABC تەلەارناسىنا بەرگەن سۇحباتىندا بلينكەن كييەۆكە جانە ۋكراينانىڭ باسقا دا ءىرى قالالارىنا، ۋكراينانىڭ سولتۇستىك، شىعىس جانە وڭتۇستىكتىگىنەن كوپجاقتى شابۋىل جاساۋ "رەسەي جوسپارىنىڭ ءبىر بولىگى" ەكەنىن ايتتى.
بلينكەن رەسەي ۋكراينادان تىس جەرگە شابۋىل جاساۋى "مۇمكىن" ەكەنىن ايتتى، ءبىراق اقش-تىڭ ناتو-داعى وداقتاستارىن قورعاۋ جونىندەگى مىندەتتەمەسىن قايتالاپ، "ناتو-نىڭ ءبىر مۇشەسىنە شابۋىل ناتو-نىڭ بارلىق مۇشەلەرىنە جاسالعان شابۋىل" دەپ ەسكەرتتى.
"پرەزيدەنت ناتو تەرريتورياسىنىڭ ءاربىر سۇيەم جەرىن قورعايتىنىمىزدى انىق ايتتى. مەنىڭ ويىمشا، بۇل – پرەزيدەنت ءپۋتيننىڭ ۋكراينادان تىس جەرلەرگە شىعۋىنا قارسى ەڭ كۇشتى تەجەۋ"، - دەدى ول.
بلينكەن سونداي-اق اقش پرەزيدەنتى دجو بايدەننىڭ "ەگەر جاعداي شيەلەنىسە تۇسەتىن بولسا، پۋتينگە تىكەلەي باعىتتالعان اقش-تىڭ قولدانىستاعى سانكسيالارىن كەڭەيتۋ مۇمكىندىگى بار" دەگەن ۇستانىمىن قايتالادى.
پىكىر قالدىرۋ