Air Astana ۋكرايناداعى قازاقستاندىقتاردى 26 اقپان كۇنى جەرگىلىكتى ۋاقىت بويىنشا 02:00-دە ەلگە الىپ كەلەدى. بۇل تۋرالى اۋە كومپانياسىنىڭ باسپا ءسوز قىزمەتى حابارلادى.

"Air Astana ۋكرايناداعى قازاقستاندىقتاردى پولشاداعى كاتوۆيسە قالاسىنان اتىراۋعا ارنايى رەيسپەن الىپ شىعۋدى جوسپارلاپ وتىر. رەيس كاتوۆيسەدەن 26 اقپاندا جەرگىلىكتى ۋاقىت بويىنشا ساعات 2.00-دە ۇشادى. جولاۋشىلار رەيسكە قازاقستان رەسپۋبليكاسىنىڭ ۋكرايناداعى ەلشىلىگى بەرگەن تىزىمدەر بويىنشا تىركەلەدى. قازاقستاندىقتار 25 اقپان كۇنى زامكنەن كوشەسى 3/1 مەكەنجايى بويىنشا لۆوۆتاعى قازاقستاننىڭ قۇرمەتتى كونسۋلدىعىنا ءارى قاراي رەيسكە ترانسفەر جاساۋ ءۇشىن جينالۋى كەرەك" دەلىنگەن حابارلامادا.

بايلانىس تەلەفون نومىرلەرى: +38 (032) 240-36-70، +38 (067) 989-28-19.

قوسىمشا اقپارات الۋ ءۇشىن Air Astana وكىلدەرىنە كەلەسى نومىرلەر بويىنشا حابارلاسۋعا بولادى: +38 (050) 051-11-17، +38 (050) 981-54-49.

بۇعان دەيىن 25-26 اقپاندا ۋكرايناداعى قازاقستاندىقتار ءۇشىن رەپاترياسيالىق رەيس جوسپارلانعانى حابارلانعان.