عيزات نۇرداۋلەتوۆ باس پروكۋرور لاۋازىمىنان بوساتىلدى. بۇل تۋرالى اقوردا سايتى حابارلادى.
"عيزات داۋرەنبەك ۇلى نۇرداۋلەتوۆ قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى لاۋازىمىنا تاعايىندالسىن، ول قازاقستان رەسپۋبليكاسىنىڭ باس پروكۋرورى لاۋازىمىنان بوساتىلسىن" دەلىنگەن حابارلامادا.
عيزات داۋرەنبەك ۇلى ەڭبەك جولىن الماتى وبلىسى جامبىل اۋدانى پروكۋراتۋراسىندا تەرگەۋشى بولىپ باستاعان.
مەملەكەتتىك تەرگەۋ كوميتەتىندە 1996-1997 جىلدارى قىزمەت اتقارعان.
1997 جىلدان باستاپ ۇلتتىق قاۋىپسىزدىك ورگاندارىندا ەڭبەك ەتكەن.
سونىمەن قاتار دەپارتامەنت باستىعىنىڭ ورىنباسارى، الماتى قالاسى جانە الماتى وبلىسى بويىنشا دەپارتامەنت باستىعى، تەرگەۋ دەپارتامەنتى باستىعى لاۋازىمىندا بولدى.
2016 جىلدىڭ قاراشا ايىنان باستاپ وڭتۇستىك قازاقستان وبلىسى بويىنشا ۇقك دەپارتامەنتىن باسقارعان.
2017 جىلى شىلدە ايىنان باستاپ ق ر باس پروكۋرورىنىڭ ءبىرىنشى ورىنباسارى قىزمەتىن اتقاردى.
2019 جىلدىڭ 18 ناۋرىزىندا ق ر باس پروكۋرورى لاۋازىمىنا تاعايىندالدى.
پىكىر قالدىرۋ